Мәрҙәнов Рөстәм Хәбиб улы
Мәрҙәнов Рөстәм Хәбиб улы (9 май 1964 йыл) — дәүләт һәм банк системаһы эшмәкәре, ғалим-иҡтисадсы, юғары мәктәп уҡытыусыһы. 2015—2018 йылдарҙа Башҡортостан Республикаһы Хөкүмәте Рәйесе. Башҡортостан Республикаһының 4-се саҡырылыш Дәүләт Йыйылышы — Ҡоролтай депутаты. Иҡтисад фәндәре кандидаты (1992). Башҡортостан Республикаһының атҡаҙанған иҡтисадсыһы (2004). Дуҫлыҡ (2011), «Башҡортостан Республикаһында күрһәткән хеҙмәттәре өсөн» (2015) һәм Салауат Юлаев (2018) ордендары кавалеры.
| Мәрҙәнов Рөстәм Хәбиб улы | ||||
| ||||
|---|---|---|---|---|
| 26 ноябрь 2015 — 3 декабрь 2018 | ||||
| Президент: | Хәмитов Рөстәм Зәки улы | |||
| Алдан килеүсе: | Хәмитов Рөстәм Зәки улы | |||
| ||||
| 9 сентябрь 2013 — 26 ноябрь 2015 | ||||
| Хөкүмәт башлығы: | Хәмитов Рөстәм Зәки улы | |||
| Президент: | Хәмитов Рөстәм Зәки улы | |||
| Тыуған: | 9 май 1964 (60 йәш) Башҡорт АССР-ы Өфө ҡалаһы | |||
| Белеме: | Өфө дәүләт авиация техник университеты Рәсәй Фәндәр академияһы Өфө федераль тикшеренеүҙәр үҙәге | |||
| Ғилми дәрәжәһе: | иҡтисад фәндәре кандидаты[d] | |||
Биографияһы
үҙгәртергәРөстәм Хәбиб улы Мәрҙәнов 1964 йылдың 9 майында Башҡорт АССР-ының баш ҡалаһы Өфөлә тыуған. Өфө авиация институтын тамамлаған, инженер-иҡтисадсы. Иҡтисад фәндәре кандидаты, доцент.
- 1986 — Өфө авиация институтының иҡтисад һәм машиналар төҙөү производствоһын ойоштороу кафедраһы инженеры;
- 1986—1992 — аспирант, СССР Фәндәр Академияһы Башҡортостан филиалының Иҡтисад институтында фәнни хеҙмәткәр;
- 1992—1995 — Башҡорт дәүләт университетының производство менән идара итеү кафедраһында өлкән уҡытыусы;
- 1995—1998 — Башҡортостан Республикаһының Милли банкының сектор мөдире, идаралыҡ башлығы, рәйес урынбаҫары — идаралыҡ башлығы;
- 1998—2000 — Башҡортостан Республикаһы Иҡтисад һәм монополияға ҡаршы министрҙың беренсе урынбаҫары;
- 2000—2001 — Башҡортостан Республикаһы Милли банкы рәйесенең беренсе урынбаҫары, рәйес вазифаһын башҡарыусы;
- 2002—2013 — Башҡортостан Республикаһы Милли банкы Рәйесе;
- 2013—2015 — Башҡортостан Республикаһы Хөкүмәте Рәйесенең беренсе урынбаҫары[1];
- 2015—2018 — Башҡортостан Республикаһы Хөкүмәте Рәйесе[2].
2018 йылдың 3 декабрендә Башҡортостан Хөкүмәте премьер-министры Рөстәм Мәрҙәнов, икенсе эшкә күсеү сәбәпле, отставкаға китте[3]. Уға «һәйбәт һәм ғәҙел эшләгәне» өсөн рәхмәт белдерелде һәм ул Салауат Юлаев ордены менән бүләкләнде. Рөстәм Хәбиб улы Рәсәй Федерацияһы Үҙәк банкының Урал баш идаралығы етәксеһе вазифаһына тәғәйенләнә.
Маҡтаулы исемдәре һәм башҡа бүләктәре
үҙгәртергә- Салауат Юлаев ордены (2018)[2]
- Башҡортостан Республикаһының атҡаҙанған иҡтисадсыһы
- «Башҡортостан Республикаһында күрһәткән хеҙмәттәре өсөн» ордены
- Дуҫлыҡ ордены
- Башҡортостан Республикаһы Дәүләт Йыйылышы — Ҡоролтайҙың Маҡтау ҡағыҙы.
Иҫкәрмәләр
үҙгәртергә- ↑ Рустэм Марданов назначен первым заместителем Премьер-министра Правительства Башкортостана. Сайт Главы Республики Башкортостан. 2013, 9 сентябрь 2017 йыл 12 ғинуар архивланған. (рус.) (Тикшерелеү көнө: 29 август 2016)
- ↑ 2,0 2,1 Премьер-министр правительства Башкирии Рустэм Марданов подал в отставку. Информационное агентство «Башинформ», 2018, 3 декабря (рус.) (Тикшерелеү көнө: 3 декабрь 2018)
- ↑ Республика Хөкүмәте премьер-министры Рөстәм Мәрҙәнов отставкаға китте. «Башинформ» мәғлүмәт агентлығы, 2018, 3 декабрь (Тикшерелеү көнө: 3 декабрь 2018)
Һылтанмалар
үҙгәртергә- Рустэм Марданов подвёл итоги своей работы на посту Премьер-министра Правительства Республики Башкортостан. Правительство Республики Башкортостан. Официальный сайт 2021 йыл 8 декабрь архивланған. (рус.) (Тикшерелеү көнө: 3 декабрь 2018)
- Правительство Республики Башкортостан. Официальный сайт 2019 йыл 12 ғинуар архивланған.
- Портал «Кто есть кто в Республике Башкортостан»: Марданов Рустэм Хабибович