Речапова Мансура Абдрахман ҡыҙы

Речапова Мансура Абдрахман ҡыҙы
	Речапова Мансура Абдрахман ҡыҙы
Зат	ҡатын-ҡыҙ
Гражданлыҡ	СССР
Тыуған көнө	21 август 1923
Тыуған урыны	Омск өлкәһе
Вафат булған көнө	29 май 2014 (90 йәш)
Һөнәр төрө	тракторсы
Маҡтаулы исемдәре һәм башҡа бүләктәре

Речапова Мансура Абдрахман ҡыҙы (1923 — 2014) — совет ауыл хужалығы продукцияһын етештереү алдынғыһы. Социалистик Хеҙмәт Геройы (1971).

Биографияһы

Мансура Абдрахман ҡыҙы Речапова 1923 йылдың 21 авгусында Омск өлкәһенең Седельниковский районындағы Юрто-Уйск ауылында крәҫтиән бохар татарҙары ғаиләһендә тыуған.

Ауыл мәктәбендә дүрт класты тамамлағас, Мансура Абдрахман ҡыҙы Речапова колхозда эшләй башлай. 1940 йылда Седельниковский районының Богдановка ауылына тракторсылар курсына уҡырға ебәрелә.

1941 йылдан алып 1945 йылға тиклемге осорҙа, Бөйөк Ватан һуғышы йылдарында, Мансура Абдрахман ҡыҙы Речапова Избышев исемендәге колхозға ҡараған Седельниково ауылында трактористка булып эшләй.

1945 йылдан алып 1977 йылға тиклем шул уҡ Избышев исемендәге колхозда тракторсы булып эшләүен дауам итә, ауыл хужалығында юғары хеҙмәт күрһәткестәренә өлгәшә.

1971 йылдың 8 апрелендә сыҡҡан СССР Юғары Советы Президиумының Указына ярашлы рәүештә «Ауыл хужалығы продукттарын етештереү һәм уларҙы дәүләткә һатыу планын үтәүҙә күрһәткән бөйөк ҡаҙаныштары өсөн» Мансура Абдрахман ҡыҙы Речаповоға Социалистик Хеҙмәт Геройы исеме бирелә һәм уға Ленин ордены һәм «Ураҡ һәм Сүкеш» алтын миҙалы тапшырыла.

1977 йылдан алып данлыҡлы трактористка хаҡлы ялда. 2014 йылдың 29 майында Мансура Абдрахман ҡыҙы Речапова Омск өлкәһе Седельниково ауылында вафат була

Наградалары

«Ураҡ һәм Сүкеш» алтын миҙалы (8.04.1971)
Ленин ордены (8.04.1971)
Седельниковский районының почетлы гражданы (4.07.2008)

Иҫкәрмә

Әҙәбиәт

Третьякова А. Золушка из Юрто-Уйска // Сибирский труженик. — № 32 (7844). — 16.08.2013 г.