Павлинич Сергей Петрович
Павлинич Сергей Петрович (23 июнь 1954 йыл) — ғалим-инженер‑механик, хужалыҡ эшмәкәре һәм юғары мәктәп уҡытыусыһы. 2004—2013 йылдарҙа Өфө двигателдәр эшләү заводының техник директоры. Бер үк ваҡытта 2009 йылдан — Өфө дәүләт авиация техник университетының кафедра мөдире. Техник фәндәр докторы (2009). Башҡортостан Республикаһының Фән һәм техника өлкәһендәге дәүләт премияһы лауреаты (2007) һәм атҡаҙанған машиналар эшләүсеһе (2006).
| Павлинич Сергей Петрович | |
| Зат | ир-ат |
|---|---|
| Гражданлыҡ |
 СССР Рәсәй |
| Тыуған көнө | 23 июнь 1954 (69 йәш) |
| Тыуған урыны | Октябрьский, Башҡортостан Республикаhы, РСФСР, СССР |
| Һөнәр төрө | инженер-механик |
| Эш урыны |
Өфө моторҙар эшләү производство берекмәһе Өфө дәүләт авиация техник университеты |
| Уҡыу йорто | Өфө дәүләт авиация техник университеты |
| Ғилми исеме | техник фәндәр докторы[d] |
| Маҡтаулы исемдәре һәм башҡа бүләктәре | |
Биографияһы үҙгәртергә
Павлинич Сергей Петрович — 1954 йылдың 23 июнендә Башҡортостан Республикаһының Октябрьский ҡалаһында тыуған. 1976 йылда Өфө авиация институтын тамамлаған, инженер-механик һөнәрен ала. Хеҙмәт юлын Өфө моторҙар эшләү берекмәһенең баш металлургы бүлегендә инженер булып башлай. Артабан — цех начальнигы, техник бүлек начальнигы, иретеп йәбештереүсе 16-сы цех начальнигы урынбаҫары, баш металлург, баш инженер урынбаҫары, газ-энергетика ҡорамалдарын монтажлау, монтажлау һәм файҙаланыу буйынса техник директор урынбаҫары; «Өфө-АвиаГаз» ябыҡ акционерҙар йәмғиәтенең генераль директоры[1].
2007—2011 йылдарҙа — берекмәнең генераль директорының беренсе урынбаҫары.
2011-2012 йылдарҙа — берекмәнең идара итеүсе директор урынбаҫары.
2012 йылдан — холдингтың етештереү һәм техник үҫтереү буйынса «Берләштерелгән двигателдәр эшләү корпорацияһы» акционерҙар йәмғиәтенең генераль директоры урынбаҫары.
2016 йылда «Кузнецов» акционерҙар берекмәһе[2] йәмғиәтенең идарасы директоры итеп тәғәйенләнә.
Техник фәндәр докторы, машина эшләү технологиялары буйынса диссертация советы ағзаһы, профессор,Өфө дәүләт авиация техник университетының «Машиндар һәм ҡойоу производствоһы технологияһы» кафедраһы мөдире.
Өфө моторҙар эшләү берекмәһенең «Звёздное небо» («Йондоҙло күк») автор йыры фестивале авторҙарының береһе.
Фәнни эшмәкәрлеге һәм хеҙмәттәре үҙгәртергә
Фәнни эшмәкәрлеге сериялы етештереү шарттарында технологик ҡойоу процестарын һәм газ турбиналы двигателдәрҙең көрәксәләрен ремонтлауҙы камиллаштырыуға; авиация двигателдәрен һәм энергетика етештереүҙә ион‑плазма нанотехнологияларын файҙаланыуға арналған. 60‑ҡа яҡын фәнни хеҙмәт һәм 35 уйлап табыу авторы[1].
- Электрохимические и электрофизические процессы реновации. М., 2005 (авторҙаш);
- Модульная сборка газотурбинных двигателей. Өфө, 2007 (авторҙаш);
- Инструментальные материалы для штампов горячего деформирования. Өфө, 2008 (авторҙаш).
Маҡтаулы исемдәре һәм башҡа бүләктәре үҙгәртергә
- Башҡортостан Республикаһынның атҡаҙанған машина эшләүсеһе (2006 йыл);
- Башҡортостан Республикаһының фән һәм техника буйынса дәүләт премияһы лауреаты (2007);
- «Газпром» йәмғиәтенең Маҡтау Грамотаһы менән бүләкләнгән (2010);
Иҫкәрмәләр үҙгәртергә
- ↑ 1,0 1,1 Павлинич Сергей Петрович
- ↑ Объединенная двигательная корпорация/ Павлинич Сергей Петрович(недоступная ссылка)
Һылтанмалар үҙгәртергә
- Павлинич Сергей Петрович // Башҡорт энциклопедияһы. — Өфө: БР ДАҒУ «Башҡорт энциклопедияһы», 2015—2024. — ISBN 978-5-88185-143-9.
- Объединённая двигательная корпорация/ Павлинич Сергей Петрович(недоступная ссылка)