Павел Йозеф Шафарик университеты

Кошицела Павел Йозеф Шафарик университеты (словак. Univerzita Pavla Jozefa Šafárika v Košiciach) —Словакия Республикаһының Кошице ҡалаһындағы университет тибындағы юғары уҡыу йорто. Күренекле славист Павел Йозеф Шафарик хөрмәтенә аталған.

Кошицела Павел Йозеф Шафарик университеты (UPJŠ)
UPJŠ.JPG
Исеме	Univerzita Pavla Jozefa Šafárika v Košiciach
Халыҡ-ара исеме	Universitas Šafarikiana
Элекке исеме	Павел Йозеф Шафарик университеты
Асылған йылы	1959
Тип	университет
Студенттар	8 712
Уҡытыусылар	760
Урынлашыуы	Кошице, Словакия
Юридик адресы	Šrobárova 2, 041 80 Košice
Сайт	Рәсми сайты

Тарихы

1959 йылда Братиславалағы Коменский университетының Медицина факультеты менән Фәлсәфә факультетын (Прешовта Юғары педагогия мәктәбенең Фәлсәфә факультеты булараҡ ойошторолған) ҡушылыу һөҙөмтәһендә барлыҡҡа килгән. Иезуиттарҙың Кошице университетының вариҫы итеп иҫәпләнә.

1963 йылда Кошицелағы Павел Йозеф Шафарик университеты составында Тәбиғәт ғилеме факультеты булдырылған.

1964 йылда Прешовта урынлашҡан Педагогия факльтеты Кошицелағы Павел Йозеф Шафарик университеты составына индерелгән.

1973 йылда Кошицелағы Павел Йозеф Шафарик университеты составында Юридик факультеты ойошторолған.

1990 йылда Кошицелағы Павел Йозеф Шафарик университеты составына Православие динен өйрәнеү һәм Грек-католик динен өйрәнеү факультеттары индерелгән.

1996 йылдың 10 декабрендәге 361/1996 һанлы закон нигеҙендә Кошицелағы Павел Йозеф Шафарик университетынан Прешовта айырым Прешов университеты ойошторолған.

Кошицела Павел Йозеф Шафарик университеты Словакияла икенсе (Братиславалағы Коменский университетынан һуң) ҙур юғары уҡыу йорто.

Факультеттар

• Медицина факультеты
• Тәбиғәт ғилеме факультеты
• Юридик факультет
• Асыҡ мдара итеү факультеты
• Фәлсәфә факультеты

Һылтанмалар

• Университеттың рәсми сайты (словак.) (инг.)