Никитин Валентин Викторович
Никитин Валентин Викторович (1935—2020) — СССР һәм Рәсәй ғалим-ортопеды-травматологы, педагог һәм медицина фәне өлкәһендә ойоштороусы, медицина фәндәре докторы (1987), профессор (1988). Башҡортостан Республикаһының атҡаҙанған табибы (1992). Рәсәй Федерацияһының атҡаҙанған табибы (2000). Башҡортостан Республикаһының тавматология хеҙмәтенә нигеҙ һалыусы[1].
| Никитин Валентин Викторович | |
| Зат | ир-ат |
|---|---|
| Гражданлыҡ |
 СССР Рәсәй |
| Тыуған көнө | 26 август 1935 |
| Тыуған урыны | Ҡаҙағстан |
| Вафат булған көнө | 22 декабрь 2020 (85 йәш) |
| Вафат булған урыны | Өфө, Рәсәй |
| Һөнәр төрө | травматолог, хирург-ортопед |
| Уҡыу йорто | БДМУ |
| Ғилми исеме | профессор[d] һәм ғалим[d] |
| Ғилми дәрәжә | медицина фәндәре докторы[d] |
| Маҡтаулы исемдәре һәм башҡа бүләктәре | |
Биографияһы
үҙгәртергәВалентин Викторович Никитин 1935 йылдың 26 авгусында Ҡаҙаҡ АССР-ы Чандрин утарында уҡытыусылар ғаиләһедә тыуған.
1954 йылдан 1959 йылға тиклем Башҡорт дәүләт медицина институтында уҡый, уны отличие менән тамамлай һәм табип-травматолог квалификацияһын ала. 1959 йылдан 1962 йылға тиклем Күмертау ҡалаһының Үҙәк ҡала дауаханаһында эшләй: табип-травматолог һәм баш табибы урынбаҫары була. 1962 йылдан 1966 йылға тиклем Өфө ҡала клиник дауаханаһында травматолог-ортопед булып эшләй[2][3].
1967 йылдан 2020 йылға тиклем Башҡорт дәүләт медицина университеты педагогик эшмәкәрлектә: 1967 йылдан алып 1982 йылға тиклем — ассистент һәм доцент, 1982 йылдан 2002 йылға тиклем — травматология, ортопедия һәм хәрби-ялан хирургияһы кафедраһы мөдире, 1984 йылдан 1988 йыға тиклем бер үк ваҡытта — уҡытыу-тәрбиә эше буйынса проректор. 2002 йылдан алып 2020 йылға тиклем — Башҡорт дәүләт медицина университетының травматология һәм ортопедия кафедраһы профессоры һәм Өҫтәмә һөнәри белем биреү институты кафедраһы мөдире[2][3][1].
1970 йылда В.В. Никитин медицина фәндәре кандидаты ғилми дәрәжәһенә дәғүә итеү өсөн диссертация яҡлай, 1985 йылда травматология һәм ортопедия темаһы буйынса медицина фәндәре докторына диссертация яҡлай. 1987 йылда В. В. Никитин ғилми профессор исеме бирелә[2][3]. В. В. Никитиндың төп ғилми-педагогик эшмәкәрлеге хирургик дауалау диагностикаһы һәм быуындар һәм һөйәк йәрәхәттәрен хирургик дауалау, шулай уҡ автомобиль һәләкәттәрендә зыян күреүселәргә тиҙ ярҙам һәм этаплы ярҙам күрһәтеү, юл-транспорт травмалары өлкәһендә мәсьәләләр белән бәйле. В. В. Никитиндың әүҙем ҡатнашлығында остеосинтез өсөн яйланмалар һәм тарамыш һәм сустав ауырыуҙары һәм йәрәхәттәрен дауалау ысулдары эшләнә[3].
Төп эшмәкәрлегенән тыш булған Валентин Викторович Никитин — Өфө ҡалаһының һәм Башҡортостандың баш травматологы. 1999 йылдан 2002 йылға тиклем Ортопедтар һәм Башҡортостан протезистарының ассоциацияһы президенттарының береһе булып тора. Рәсәй ортопед-травматолог ассоциацияһы идараһы ағзаһы һәм Рәсәй Федерацияһы Һаулыҡ һаҡлау министрлығы ҡарамағында Фәнни-методик Советы рәйесе урынбаҫары. В. В. Никитин 400-гә яҡын фәнни хеҙмәт һәм 17 уйлап табыу патенты авторы булып тора[2][3].
1992 йылда «Һаулыҡ һаҡлау өлкәһендәге ҡаҙаныштары өсөн» Валентин Викторович Никитин Башҡортостан Республикаһының атҡаҙанған табибы тигән почетлы исемгә лайыҡ була[3].
2000 йылдың 17 майында Рәсәй Президенты Указы менән Валентин Викторович Никитин «Һаулыҡ һаҡлау өлкәһендәге ҡаҙаныштары өсөн» Рәсәй Федерацияһының атҡаҙанған табибы тигән почетлы исемгә лайыҡ була[4].
Наградалары
үҙгәртергәИсемдәре
үҙгәртергә- Рәсәй Федерацияһының атҡаҙанған табибы (2000[4])
- Башҡортостан Республикаһының атҡаҙанған табибы (1992[3])
Иҫкәрмәләр
үҙгәртергә- ↑ 1,0 1,1 Ушёл из жизни профессор кафедры травматологи и ортопедии с курсом ИДПО, основатель травматологической службы Республики Валентин Викторович Никитин — заслуженный врач РБ и РФ. Дата обращения: 14 ғинуар 2020. 2021 йыл 17 ғинуар архивланған.
- ↑ 2,0 2,1 2,2 2,3 Никитин, Валентин Викторович. Дата обращения: 14 ғинуар 2020. 2020 йыл 14 ғинуар архивланған.
- ↑ 3,0 3,1 3,2 3,3 3,4 3,5 3,6 Башкирская энциклопедия / Гл. ред. М. А. Ильгамов. — Уфа: Башкирская энциклопедия. Том 4 : Л — М — Н — О, 2008 г. — 672 с. — С.428 — ISBN 5-88185-053-X
- ↑ 4,0 4,1 Указ Президента Российской Федерации от 17.05.2000 г. № 860.
Әҙәбиәт
үҙгәртергә- Башкирская энциклопедия / Гл. ред. М. А. Ильгамов. — Уфа: Башкирская энциклопедия. Том 4 : Л — М — Н — О, 2008 г. — 672 с — ISBN 5-88185-053-X
Һылтанмалар
үҙгәртергә- Никитин, Валентин Викторович. Дата обращения: 14 ғинуар 2020. 2021 йыл 16 ғинуар архивланған.
- Инженер человеческих тел (№177 от 15.09.15). Дата обращения: 14 ғинуар 2020.