Наталья Партыка
Наталья Дорота Партыка (пол. Natalia Dorota Partyka, 27 июль 1989 йыл[4], Гданьск) — Польша спортсыһы, өҫтәл теннисы уйынсыһы, өс тапҡыр Европа чемпионаты призеры, өс тапҡыр Паралимпия уйындары чемпионы (2004, 2008, 2012), паралимпсылар араһында күп тапҡыр донъя һәм Европа чемпионы. 2008 йылда 5-се дәрәжәләге Польша Яңырыуы ордены менән бүләкләнә.
Тыуғанда иңбашы һәм уң ҡулы булмай, спортсылар өсөн яраҡлы ярыштарҙа ла[5], шулай уҡ мөмкинлектәре сикләнгән спортсылар өсөн ярыштарҙа ла ҡатнаша.
Биографияһы
үҙгәртергә1999 йылда Партыка инвалидтар араһында донъя чемпионатында өҫтәл теннисы буйынса үҙенең тәүге халыҡ-ара миҙалын яулай. 11 йәшенән ул 2000 йылда Сиднейҙа йәйге Паралимпия уйындарында ҡатнаша, Паралимпия уйындарының иң йәш ҡатнашыусыһы була. 2004 йылда Афиналағы Паралимпия уйындарында яңғыҙ разрядта алтын миҙал, команда зачетында көмөш миҙал яулай. Шул уҡ йылда Халыҡ -ара федерацияһы ойошторған (ITTF)өҫтәл теннисы буйынса Европа кадеттар чемпионатында ике алтын миҙал яулай. Һуңғы ярыш хеҙмәткә яраҡлы конкуренттар өсөн тәғәйенләнә. 2006 йылда Партыка Европа Паралимпия чемпионатында өс алтын миҙал яулай, Халыҡ-ара паралимпия комитетының инвалидтар өсөн чемпионатында өҫтәл теннисы буйынса ике алтын һәм бер көмөш, һәм Европа чемпионатының команда зачетында ITTF юниорҙары араһында көмөш миҙал яулай. 2007 йылда ошо уҡ ярышта бер бронза һәм ике көмөш миҙал яулай. 2007 йылда Европа паралимпия чемпионатында өс алтын миҙал һәм донъя чемпионатының юниор командалары араһында бронза яулай[6].
Наталья 2008 йылда Олимпия һәм Паралимпия уйындарында ярышыусы ике спортсының береһе була, икенсеһе йөҙөүсе Натали де Туа. Был уның беренсе Олимпия һәм өсөнсө Паралимпия уйындары була. Пекин Паралимпияһында 10 класс буйынса көнәркәшлектә ҡытайлы Фан Лейҙы 3:0 иҫәбе менән еңеп, алтын миҙал яулай[7].
2008 йылда Пекиндағы Паралимпия уйындарында, 2004 йылғы Паралимпия уйындары һөҙөмтәләрен ҡабатлап, яңғыҙ разрядта алтын, командалы зачетта көмөш миҙал яулай. 2012 йылда Лондонда шәхси 10 класс буйынса Паралимпияла алтын, һәм шулай уҡ 6-10 класс буйынса командалы зачетта бронза яулай. 2016 йылда Рио-де-Жанейрола командалы 6-10-сы кластарҙа сираттағы алтынын ота, шулай уҡ шәхси разрядта еңеүсе була (10 класс).
Иҫкәрмәләр
үҙгәртергә- ↑ 1,0 1,1 Olympedia (ингл.) — 2006.
- ↑ http://results.ittf.link/index.php?option=com_fabrik&view=details&formid=99&rowid=107177
- ↑ 3,0 3,1 3,2 3,3 3,4 3,5 Natalia Partyka (ингл.) — 2006.
- ↑ Natalia Partyka. sports-reference.com. Дата обращения: 8 ғинуар 2015. Архивировано 1 октябрь 2012 года. 2012 йыл 14 ноябрь архивланған.
- ↑ ITTF_Database 2011 йыл 4 июнь архивланған.
- ↑ «Natalia: Paralympic AND Olympic athlete», official website of the 2012 London Olympics, June 18, 2008
- ↑ «Natalia Partyka: Pole apart», China Daily, September 11, 2008
Һылтанмалар
үҙгәртергә- Официальный сайт Натальи Партыки 2021 йыл 25 февраль архивланған. (пол.)(пол.) (инг.)(инг.)
- Наталья Партыка — Sports-Reference.com (инг.) сайтында олимпия статистикаһы(инг.) сайтында олимпия статистикаһы
- «Natalia Partyka», official website of the International Table Tennis Federation
- «Natalia Partyka — Polish table tennis player», official profile of the Polish Table Tennis Magazine
- ITTF Database 2011 йыл 4 июнь архивланған.