Мәҙинә (мәсет, Өфө)

Мәҙинә — Өфөләге мәсет. Ҡаланың  Дим районында Гатчин урамы, 1-се йорт адресы буйынса урынлашҡан.

Мәсет
Мадина башҡ. Мәҙинә
Ил	Рәсәй Федерацияһы
Республика	Башҡортостан
Город	Өфө
Адресы	Гатчин урамы, 1-се йорт
йүнәлеш, мәктәп	сөннәт
Төҙөүсе	ООО «Дорстрансстрой»
Шәфҡәт итеүселәр	Өфө мосолмандары, Марат Латыпов һм башҡалар
Төп даталары: 21 октября 2013 года — мәсеттең асылыуы
Вместимость	600
Бейеклек	49
Манаралар һаны	4
Манара бейеклеге	10
Торошо	ғәмәлдә

Мәсет тарихы

Өфөнөң Дим районында аҙаҡҡы ваҡытҡа тиклем тик ҙур булмаған район мәсете булған  һәм ул мәсеткә килеүселәрҙең барыһын да һыйҙыра алмаған.  Шуға күрә яңы мәсет төҙөү мәсьәләһе бик актуаль була. "Мәҙинә" мәсетенә 2010 йылыының  көҙөндә Дим районының шәхси секторындағы  ташландыҡ ерҙә нигеҙ һалына. Уның төҙөлөшө өс йыл дауамында ООО "Дорстрансстрой" фирмаһы тарафынан алып барылды. Мәсет  диндарҙың хәйере һәм башҡа ситтән йәлеп ителгән аҡсаға төҙөлдө. Мәсетте төҙөүҙә бағымсылар Советы рәйесе һәм ООО "Дорстранстрой" директорҙар Советы рәйесе Марат Латыпов ҙур өлөш индерҙе. 

Мәсетте төҙөү өсөн материал булараҡ  "Бессер" блоктары ҡулланылды. Бинаның эске биҙәлешен Сәмәркәнд рәссамдары һәм Кипрҙан уйып һырлаусылар башҡарҙы, ҡалған биҙәлеш эштәрен Өфө оҫталары эшләне.

Мәсет асыу тантанаһы 2013 йылдың 21 октябрендә уҙҙы һәм Рәсәй Үҙәк диниә назаратының 225 йыллыҡ юбилейына арналды. Сарала Рәсәй Юғары мөфтийе  Тәлғәт Тажетдин  ҡатнашты, шулай уҡ  Истанбул мөфтийе Рахми Яран,  Индонезия дини эштәр министры Сурадхорм Али, Халыҡ-ара Ислам берҙәмлеге рәйесе Хәмит Ирен әфәнде һ. б. байрамға килделәр.

Мәсет бинаһының бейеклеге 49 м. Уның 4 манараһы бар, уларҙың иң бейеге 10 метр тәшкил итә. Мәсеттең һыйҙырышлығы — 600 кеше.

Һылтанмалар

• В Демском районе Уфы открылась мечеть «Мадина»  (билдәһеҙ) (21 октябрь 2013). Дата обращения: 23 март 2015.
• Рамиля Саляхова. Новая мечеть открылась в Уфе в рамках празднования 225-летия ЦДУМ  (билдәһеҙ). РИА Новости (21 октябрь 2013). Дата обращения: 23 март 2015.
• Арина Рахимкулова. В Демском районе Уфы открылась новая мечеть «Мадина»  (билдәһеҙ). Башинформ.рф (21 октябрь 2013). Дата обращения: 23 март 2015.
• Мечеть «Мадина» открылась в Демском районе Уфы  (билдәһеҙ). ФедералПресс (21 октябрь 2013). Дата обращения: 23 март 2015.
• В УФЕ ОТКРЫЛАСЬ НОВАЯ МЕЧЕТЬ — «МАДИНА»  (билдәһеҙ). Уфа-Гид (21 октябрь 2013). Дата обращения: 23 март 2015.
• Ценности ислама  (билдәһеҙ). Группа компаний «Дортрансстрой». Дата обращения: 23 март 2015. 2015 йыл 2 апрель архивланған.