Муллағәләмов Марат Сабит улы

Муллағәләмов Марат Сабит улы
	Муллағәләмов Марат Сабит улы
Зат	ир-ат
Гражданлыҡ	СССР
Тыуған көнө	7 ноябрь 1930 (94 йәш)
Тыуған урыны	Белорет районы, Башҡорт АССР-ы, РСФСР, СССР; Сермән ауылы, Белорет районы, Башҡорт АССР-ы, РСФСР, СССР
Һөнәр төрө	сәйәсмән, инженер, партия эшмәкәре
Маҡтаулы исемдәре һәм башҡа бүләктәре

Муллағәләмов Марат Сабит улы (рус. Марат Сабитович Муллагалямов; 7 ноябрь 1930 йыл) — совет хужалыҡ, дәүләт эшмәкәре һәм сәйәсмән^[1]

Википедияла Муллағәләмов фамилиялы башҡа кешеләр тураһында мәҡәләләр бар.

Биографияһы

Марат Сабит улы Муллағәләмов 1930 йылда Башҡорт АССР-ының Белорет районы Сермән ауылында тыуған.

Юғары белемле — 1953 йылда Өфө авиация институтын тамамлаған, инженер-механик.

1953—1962 йылдарҙа — Өфөләге 20-се п/й ойошмаһының (Өфө моторҙар эшләү заводы) өлкән механигы, инженер-тикшеренеүсеһе.

1962—1965 йылдарҙа — КПСС-тың Башҡортостан өлкә комитетында, КПСС-тың Стәрлетамаҡ ҡала комитетында, партия эшендә мәшғүл.

1965—1979 йылдарҙа — халыҡ депутаттарының Стәрлетамаҡ ҡала Советы башҡарма комитеты рәйесе.

1979—1986 йылдарҙа — БАССР Министрҙар Советы рәйесе урынбаҫары.

1986—1990 йылдарҙа — «Башнефть» производство берекмәһенең генераль директоры урынбаҫары.

1990—1991 йылдарҙа — инженер, Йемен Республикаһы^[2]^[3].

Йәмәғәт эшмәкәрлеге

Биш саҡырылыш Башҡорт АССР-ының Юғары Советы депутаты итеп һайлана.

1996 йылдан 2015 йылға тиклем — һуғыш, хеҙмәт, Ҡораллы Көстәр һәм хоҡуҡ һаҡлау органдары ветерандарының республика советы рәйесе^[4].

Маҡтаулы исемдәре һәм бүләктәре

Хеҙмәт Ҡыҙыл Байраҡ ордены (өс мәртәбә)
«Почёт Билдәһе» ордены
Алты миҙал
«Башҡортостан Республикаһында фиҙакәр хеҙмәте өсөн» билдәһе
Башҡортостан Республикаһының халыҡты социаль яҡлау буйынса атҡаҙанған хеҙмәткәре
«Стәрлетамаҡ ҡалаһының почетлы гражданы» исеме^[5]
«Башҡортостан Республикаһы ҡануниәтен үҫтереүгә тос өлөш индергән өсөн» Почет билдәһе^[6]

Ғаиләһе

Атаһы — Сабит Муллағәләм улы Муллағәләмов — Бөйөк Ватан һуғышында һәләк булған. Ҡатыны Наирә Шаһиәхмәт ҡыҙы Муллағәлләмова 1988 йылда вафат. Ул БАССР Госпланы Президиумы Рәйесе, сәйәси репрессия ҡорбаны Шаһиәхмәт Дауытовтың ҡыҙы булған. Ике ҡыҙ тәрбиәләп үҫтергәндәр^[7].

Иҫкәрмәләр

Һылтанмалар

«Шәхестәр» порталы

[1] Он посвятил себя служению народу (К 85-летию Марата Муллагалямова)

[2] Муллагалямов Марат Сабитович

[3] Муллагалямов Марат Сабитович(недоступная ссылка)

[4] МУЛЛАГАЛЯМОВ Марат Сабитович

[5] Муллагалямов Марат Сабитович

[6] БР Ветерандар советы рәйесе Марат Муллағәләмов Почет билдәһе менән бүләкләнде

[7] Учиться, трудиться и любить Родину — вот секрет счастливой жизни 2022 йыл 26 сентябрь архивланған.

[1]

[2]

[3]

[4]

[5]

[6]

[7]