Муллайәнов Кәбир Ҡадир улы

Муллайәнов Кәбир Ҡадир улы (28 март 1939(19390328)) — агроном-селекционер. Төшлө емеш культуралары (слива һәм өрөк) буйынса белгес.

Муллайәнов Кәбир Ҡадир улы
Тыуған көнө	28 март 1939(19390328)
Тыуған урыны	Башҡорт АССР-ы, Илеш районы, Баҙытамаҡ ауылы
Гражданлығы	СССР→Рәсәй Федерацияһы
Эшмәкәрлеге	агроном, селекционер

Биографияһы

Муллайәнов Кәбир Ҡадир улы 1939 йылдың 28 мартында Башҡорт АССР-ы Илеш районы Баҙытамаҡ ауылында тыуған.

1954—1965 йылдарҙа токарь булып эшләй.

1966 йылда баҡсасылар мәктәбен, 1969 йылда Тамбов өлкәһендәге Мичуринск йәшелсә-емеш институтын тамамлаған.

Силәбе өлкәһе Сыбаркүл районы Сарафаново ауылында «Сарафановский» махсуслаштырылған емеш совхозында баҡсасы булып эшләгән.

1968 йылдан Силәбе йәшелсә-емеш тәжрибә станцияһында (хәҙерге Көньяҡ Урал йәшелсәселек һәм картуфсылыҡ ғилми-тикшеренеү институты) техник, 1970—2000 йылдарҙа кесе ғилми хеҙмәткәре була.

Фәнни эшмкәрлеге

15 фәнни хеҙмәт авторы, «Көньяҡ Уралда һәүәҫкәр баҡсасылыҡ» йыйынтығы һәм «Урал өсөн емеш-еләк культураларының 100 сорты» авторҙарының береһе. Уралда сливаның сорт составын һәм уны үҫтереү агротехникаһын өйрәнә. 1960—1970 йылдарҙа 12-15 гектар майҙанда слива буйынса тәжрибә-производство питомнигын ойоштора. Башҡа белгестәр менән берлектә абрикос, сейә һәм слива сорттарының перспективалы төркөмөн сығара. Сливаның — 11, абрикостың — 7, сейәнең 4 сорты авторы.

Хеҙмәттәре

• Слива и вишня // Садоводство в Челябинской области. Ч., 1977.
• Селекция косточковых культур // Проблемы садоводства на Южном Урале: Сб. науч. трудов. Новосибирск, 1982.
• Абрикос на Урале // Садовник. 1989. № 1.
• Методические рекомендации садоводам-любителям по выращиванию сортов абрикоса. Ч., 1989.
• Сорта сливы и их размножение. Ч., 1990.

Һылтанмалар

• Назаров В. И. Муллаянов Кабир Кадирович // Челябинск: Энциклопедия / Сост.: В. С. Боже, В. А. Черноземцев. — Изд. испр. и доп. — Челябинск: Каменный пояс, 2001. — 1112 с. ISBN 5-88771-026-8