Мирзанов Бәхтейәр Ғүмәр улы
Мирзанов Бәхтейәр Ғүмәр улы (10 ноябрь 1892 йыл — 17 июль 1941 йыл) — уҡытыусы, дәүләт органдары хеҙмәткәре, журналист һәм шағир.
| Мирзанов Бәхтейәр Ғүмәр улы | |
| Зат | ир-ат |
|---|---|
| Тыуған көнө | 10 ноябрь 1892 |
| Тыуған урыны | Йөрәктау, Стәрлетамаҡ өйәҙе, Өфө губернаһы, Рәсәй империяһы |
| Вафат булған көнө | 1941 |
| Вафат булған урыны | Өфө, РСФСР, Башҡорт АССР-ы, СССР |
| Яҙма әҫәрҙәр теле | башҡортса |
| Һөнәр төрө | шағир |
| Уҡыу йорто | Башҡорт дәүләт аграр университеты |
Биографияһы
үҙгәртергәБәхтейәр Ғүмәр улы Мирзанов 1892 йылдың 10 ноябрендә Өфө губернаһы Стәрлетамаҡ өйәҙе Йөрәктау-Муҡшы ауылында тыуған 1914 йылда Өфөлә «Ғәлиә мәҙрәсәһе»н тамамлай. 1935 йылда хәҙерге Башҡортостан ауыл хужалығы институтында, 1937—1941 йылдарҙа Башҡорт дәүләт медицина институтында уҡый[1].
1914—1915 йылдарҙа «Сөйөмбикә» (Ҡазан) журналында эшләй. 1917—1918 йылдарҙа Сәмәрҡәнд һәм Орск ҡалаларында уҡытыусы була.
1920 йылдан — АСБР‑ҙың халыҡ мәғарифы комиссариатында инспектор. 1922—1926 йылдарҙа тыуған Йөрәктау ауылында уҡытыусы булып эшләй. 1929—1931 йылдарҙа — Маҡар район Ер бүлегендә ерҙе файҙаланыу буйынса белгес була. 1936—1937 йылдарҙа — «Коммуна» (хәҙерге «Ҡызыл таң») гәзитенең бүлек мөдире[1].
1914—1915 йылдарҙа «Шура» журналында, «Вакыт», «Тормош» гәзиттәрендә һәм башҡа периодик баҫмаларҙа үҙенең тәүге әҫәрҙәрен баҫтырып сығара башлай. 1910 йылда яҙылған бер нисә әҫәре ысынбарлыҡтан биҙеү, теге донъя тураһында хыялланыу, төшөнкөлөк рухы менәнн һуғарылған («Күңел йыуатыу», «Әсә ҡәбере янында», «Күңелем тарихы» һәм башҡалар). 1921 йылда «Ҡыҙыл сәскәләр» шиғырҙар йыйынтығын, балалар өсөн «Аҡ батша» һәм «Кескәй революционер» китаптарын сығара[1]. «Ҡыҙыл сәскәләр» йыйынтығында автор дини- мифик атрибуттарҙы күп ҡуллана[2].
1941 йылдың 17 июлендә Өфөлә вафат була[1]
Ғаиләһе
үҙгәртергә- Ҡатыны — Мирзанова Ғәлиә мәҙрәсәлә уҡытыусыһы була[3].
- Улы — Мирзанов Нияз Бәхтийәр улы (1924—2000) — тарих уҡытыусыһы, юрисконсульт, Бөйөк Ватан һуғышында ҡатнашыусы[3].
Иҫкәрмәләр
үҙгәртергә- ↑ 1,0 1,1 1,2 1,3 Мирзанов Бахтияр Гумерович // Башкирская энциклопедия. — Уфа: ГАУН РБ «Башкирская энциклопедия», 2015—2024. — ISBN 978-5-88185-306-8.
- ↑ Литература и наука: избранные труды. Жильем, 1998. С. 228.
- ↑ 3,0 3,1 Мирзанов Нияз Бахтиярович. moypolk.ru. Дата обращения: 10 апрель 2016. Архивировано 20 апрель 2016 года. 2016 йыл 20 апрель архивланған.
Әҙәбиәт
үҙгәртергә- Башҡорт әҙәбиәте. ХХ быуат башы. 1‑се кит. Поэзия. Өфө, 1983. (баш.)
Һылтанмалар
үҙгәртергә- Мирзанов Бәхтейәр Ғүмәр улы // Башҡорт энциклопедияһы. — Өфө: БР ДАҒУ «Башҡорт энциклопедияһы», 2015—2024. — ISBN 978-5-88185-143-9. (Тикшерелеү көнө: 7 ноябрь 2022)