Чекирова Людмила Дмитриевна

Чекирова Людмила Дмитриевна (18 март 1950 йыл) — опера йырсыһы (лирик драматик сопрано), Башҡортостан Республикаһының халыҡ артисы (2000). Төркмән ССР-ының атҡаҙанған артисы (1991) һәм Төркмән ССР-ының Ленин комсомолы премияһы лауреаты (1985).

Чекирова Людмила Дмитриевна
Тыуған ваҡыты:	18 март 1950({{padleft:1950|4|0}}-{{padleft:3|2|0}}-{{padleft:18|2|0}}) (74 йәш)
Тыуған урыны:	Прокопьевск ҡалаһы
Һөнәре:	актёр
Гражданлығы:	СССР→ Рәсәй Федерацияһы
Театр:	Башҡорт дәүләт опера һәм балет театры
Наградалары:	Башҡортостан Республикаһының халыҡ артисы (2000), Төркмән ССР-ының атҡаҙанған артисы (1991).

Биографияһы

Людмила Дмитриевна Чекирова 1950 йылдың 18 мартында Прокопьевск ҡалаһында тыуған.

1979 йылда Мәскәү консерваторияһын (Е. И. Шумилова класы) тамамлағандан һуң Махтумкули исемендәге Төркмән опера һәм балет театры солисы булып эшләй (Ашхабад).

1995 йылдан алып — Башҡорт дәүләт опера һәм балет театры солисы, 2011 йылдан — педагог репетиторы.

Чекирова Людмила Дмитриевна матур тембрлы көслө тауышҡа эйә. Гастролдәр менән Рәсәй, Германия, Польша, Төркиә буйлап йөрөй.

Спектаклдәрҙәге ролдәре

• Чио-Чио-сан (Дж. Пуччини операһы; дебют, Махтумкули исемендәге Төркмән опера һәм балет театры, 1979)
• Аида (Дж. Вердиҙың шул уҡ исемле операһы)
• Ярославна («Князь Игорь», А. П. Бородин)
• Кармен (Ж.Бизеның шул уҡ исемле операһы)
• Шәфәҡ («Ай тотолған төндә») һ. б.

Маҡтаулы исемдәре һәм башҡа бүләктәре

• «Йәштәр, мәҙәниәт, үҙгәртеп ҡороу» Бөтә союз сәнғәт фестивале дипломанты (Мәскәү, 1988).
• Төркмән ССР-ының Ленин комсомолы премияһы лауреаты (1985).
• Төркмән ССР-ының атҡаҙанған артисы (1991).
• Башҡортостан Республикаһының халыҡ артисы (2000)

Һылтанмалар

• Башкирская эниклопедия —Чекирова Людмила Дмитриевна 2019 йыл 24 декабрь архивланған. (Тикшерелеү көнө: 16 март 2019)
• http://bashkiria.prazdnik-land.ru/afisha/2010/3/22/s-lyubovyu-k-vam-lyudmila-chekirova/(недоступная ссылка)