Лисовская Наталья Венедиктовна

Лисовская Наталья Венедиктовна
	Лисовская Наталья Венедиктовна
Зат	ҡатын-ҡыҙ
Гражданлыҡ	СССР; Франция
Спортта ил өсөн сығыш яһай	СССР
Тыуған көнө	16 июль 1962 (62 йәш)
Тыуған урыны	Әләгәҙ, Мәсетле районы, Башҡорт АССР-ы, РСФСР, СССР
Хәләл ефете	Юрий Георгиевич Седых[d]
Балалары	Алексия Седых[d]
Һөнәр төрө	еңел атлет
Уҡыу йорто	Рәсәй дәүләт физик культура, спорт, йәштәр һәм туризм университеты[d]
Масса	105 килограмм
Спорт төрө	Еңел атлетика
Спорт дисциплинаһы	йәҙрә ташлау
Ҡатнашыусы	Летние Олимпийские игры 1988[d]
Маҡтаулы исемдәре һәм башҡа бүләктәре
Бейеклеге/буйы	186 сантиметр

Лисовская Наталья Венедиктовна (ире буйынса — Седых; (16 июль 1962 йыл) — СССР һәм Рәсәй йәҙрә ташлаусыһы, олимпия чемпионы һәм өс тапҡыр донъя чемпионы, 1987 йылдан алып ғәмәлдәге донъя рекордсмены (22,63 м). СССР-ҙың атҡаҙанған спорт мастеры (1984). «Спартак» өсөн сығыш яһаусы (Мәскәү).

Наталья Лисовская һәм уның ире Юрий Седых — еңел атлетика тарихында ете иң боронғо рекордтың икәүһенә эйә булған берҙән-бер ғаилә пары. Юрий Седых үҙ рекордын 1986 йылдың 30 авгусында ҡуйҙы (сүкеш ырғытыуҙа, 86,74 метр), Наталья Лисовская — 1987 йылдың 7 июнендә (йәҙрә ташлау, 22,63 метр).

Биографияһы

Наталья Венедиктовна Лисовская 1962 йылдың 16 июлендә Башҡорт АССР-ы Мәсетле районы Әләгәҙ ауылында тыуған. Олимпия чемпионы Фаина Мельник етәкселегендә күнекмәләр эшләй башлай.

СССР йыйылма командаһы өсөн сығыш яһап, Сеулда олимпия уйындарында еңә (1988). Өс тапҡыр донъя рекордын үтеп китә — 1984 йылда һәм ике тапҡыр 1987 йылда. Лисовская — еңел атлетика тарихында иң боронғо донъя рекордтарының береһенең эйәһе. Барселонала 9-сы урынды ғына биләп, 1992 йылдағы Олимпия уйындарынан һуң спорттан китә. ГЦОЛИФК (Ленин орденлы үҙәк дәүләт физик культура институтын) тамамлай.

Ире — билдәле еңел атлет Юрий Седых. 1993 йылда уларҙың ғаиләһендә ҡыҙҙары Алексия тыуа. Наталья һәм Юрий Парижда йәшәйҙәр.

1989 йылда Хеҙмәт Ҡыҙыл Байраҡ ордены менән бүләкләнгән.

Ҡаҙаныштары

Йәҙрә ташлауҙа 1988 йылғы Олимпия уйындары чемпионы. 1992 йылдағы Олимпия уйындары ҡатнашсыһы (9-сы урын).
Донъя чемпионы 1987 (21,24).
Бинала донъя чемпионаты еңеүсеһе 1985 һәм 1987
Бинала Европа чемпионы 1992.
Донъя Кубогы ярыштары призеры1985.
Европа Кубогы ярыштары еңеүсеһе 1985, 1987.
Гран-При IAAF еңеүсеһе 1987.
Универсиада еңеүсеһе 1983, 1985
Изге Ихтыяр уйындары еңеүсеһе, 1986.
СССР халыҡтары Спартакиадаһы еңеүсеһе 1983
СССР чемпионы 1985, 1986, 1988.
Бинала СССР чемпионы. 1982, 1983, 1986, 1987, 1988.

Шәхси рекордтары

Йәҙрә ташлау (асыҡ стадионда) — 22,63 (донъя рекорды, Мәскәү, 1987)
Йәҙрә ташлау (бинала) — 22,14 (Пенза, 1986)
Диск ырғытыу — 62,28

Иҫкәрмәләр

Һылтанмалар

Наталья Лисовская — профиль на сайте IAAF (англ.)
Наталья Лисовская — олимпийская статистика на сайте Sports-Reference.com (англ.)
Наталья Лисовская на сайте общества «Спартак»

[_503ced61b25a419b-1] ttps://www.lemonde.fr/archives/article/2000/08/05/le-retour-discret-de-natalia-lissovskaia-ancien-fleuron-du-sport-sovietique_85772_1819218.html

[_08eea010484a997b-2] Natalya Lisovskaya // https://worldathletics.org/athletes/-/14256609

[1]

[2]