Кликич Лилиә Миңлеғәлим ҡыҙы

Кликич Лилиә Миңлеғәлим ҡыҙы (2 август 1954 йыл) — иҡтисадсы. Иҡтисад фәндәре докторы (2006), профессор (2013).

Кликич Лилиә Миңлеғәлим ҡыҙы
Зат	ҡатын-ҡыҙ
Гражданлыҡ	Рәсәй  Башҡортостан Республикаhы
Тыуған көнө	2 август 1954({{padleft:1954|4|0}}-{{padleft:8|2|0}}-{{padleft:2|2|0}}) (70 йәш)
Тыуған урыны	Учалы районы, Башҡорт АССР-ы, РСФСР, СССР Учалы ауыл Советы (Учалы районы), Учалы районы, Башҡорт АССР-ы, РСФСР, СССР
Һөнәр төрө	иҡтисадсы
Эш урыны	Башҡорт дәүләт аграр университеты
Биләгән вазифаһы	доцент[d]
Ғилми исеме	доцент[d] һәм иҡтисад фәндәре докторы[d]

Биографияһы

Кликич Лилиә Миңлеғәлим ҡыҙы 1954 йылдың 2 авгусында БАССР-ҙың (хәҙерге Башҡортостан Республикаһының) Учалы районы Учалы ауылында тыуған. 1971 йылда 10-сы урта мәктәпте тамамлай. Мәскәү технология институтының Өфө филиалында инженер-иҡтисадсы һөнәре буйынса юғары белем ала. 1977—1987 йылдарҙа Мәскәү технология институтының Өфө филиалында эшләй, башта ассистент, ә аҙаҡ экономика кафедраһының өлкән уҡытыусыһы. 1986 йылда Мәскәү технология институтының аспирантураһын тамамлай. Кейәүгә сыға, ғаиләлә ике бала тәрбиәләйҙәр.

1987—1995 йылдарҙа Мурманск өлкәһенең Заозёрск ҡала хакимиәтендә эшләй: өлкән иҡтисадсы, аҙаҡ финанс бүлеге начальнигы һәм администрация башлығы урынбаҫары. 1995 йылдан башлап бөгөнгө көнгә тиклем Башҡорт дәүләт аграр университетында уҡыу-методик бүлек мөдире, бер үк ваҡытта аграр етештереү иҡтисад кафедраһы доценты вазифаһын башҡара. Иҡтисад фәндәре докторы. Доцент ғилми дәрәжәһе 1999 йылда бирелә. 150‑нән ашыу фәнни хеҙмәт авторы.

Шөғөлдәре

Лилиә Миңлеғәлим ҡыҙы шулай уҡ әҙәби ижад менән шөғөлләнә. 2001 йылда беренсе «Признание в любви» исемле шиғырҙар һәм йырҙар йыйынтығы баҫылып сыға. 2002 йылда икенсе «Войди в мой сад» шиғырҙар китабы «Озарение» Халыҡ-ара ижади көстәр союзы менән берлектә баҫылып сыға.

Әҙәби әҫәрҙәре

— «Мөхәббәт белдереү: йырҙар һәм шиғырҙар» («Признание в любви: песни и стихи»; 2001),

— «Минең баҡсама ин» («Войди в мой сад»; 2002),

— «Күк йөҙө яҡынлашыу» («Приближение неба»; 2005),

— «Көнсығыш еле» («Ветер с востока»; 2007).

Фәнни хеҙмәттәре

• Эволюция сферы услуг: неравновесный подход. М., 2004;
• Устойчивое развитие сельских территорий. Уфа, 2008 (авторҙаш);
• Социально ориентированная модель развития сельских территорий Республики Башкортостан. Уфа, 2010<ref name="КЛИКИЧ Лилиә Миңлеғәлим ҡыҙы" /.

Һылтанмалар

• Кликич Лилиә Миңлеғәлим ҡыҙы // Башҡорт энциклопедияһы. — Өфө: БР ДАҒУ «Башҡорт энциклопедияһы», 2015—2024. — ISBN 978-5-88185-143-9.
• Лилия Кликич