Карпат ер тетрәүе (1977)
Карпат ер тетрәүе (шулай уҡ Бухарест йәки Вранча ер тетрәүе 1977 йылда; рум. Cutremurul din 1977; болг. Вранча ер тетрәүе) хәҙерге Румыния тарихында иң көслө һәм иң һәләкәтле ер тетрәүе була. Ул 1977 йылдың 4 мартында урындағы ваҡыт буйынса 21:22 сәғ. башлана һәм 55 секунд дауам итә. 1940 йылдағы Карпат ер тетрәүе ваҡытындағы һымаҡ, ер аҫты һелкенеүҙәре Көнсығыш Европа тигеҙлегенең бик ҙур территорияһында, шул иҫәптән Мәскәү һәм Ленинграддта һиҙелә.
| Карпат ер тетрәүе | |
 | |
| Дәүләт |
 Румыния Молдова |
|---|---|
| Ваҡиға ваҡыты | 4 март 1977 |
| Һәләк булғандар һаны | 1578 |
 | |
 Карпат ер тетрәүе Викимилектә | |
Ваҡиғалар барышы үҙгәртергә
Ер тетрәүенең үҙәге Вранча өйәҙендә, Карпат һырты бөгөлөшөндә була, шуға күрә уны (Болгарияла атаған кеүек) Вранча ер тетрәүе тип атау дөрөҫөрәк булыр ине. Сейсмик селтәрҙәренең төрлө баһалары буйынса магнитуда 7,2-7,5 тәшкил итә. Ер тетрәүе үҙәгенең интенсивлығы 8-9 балға етә, хатта Мәскәүҙә 4-5-баллы һелкенеүҙәр[1] теркәлә һәм бөтә Балҡан ярымутрауы[2] буйлап асыҡ һиҙелә. Иң һәләкәтле ер аҫты тулҡындары көньяҡ-көнсығышта Вранча — Бухарест — Свиштов һыҙағы буйлап үтә.
Ҡорбандар һәм емереклектәр үҙгәртергә
Рәсми мәғлүмәттәр буйынса, Румынияла ҡорбандар һаны 1578 кешегә етә, шуларҙың 1424 (90 %) Бухареста 33 ҡатлы бина аҫтында һәләк була. Илдең бер ҡатлы төҙөлөштәр урынлашҡан ауылдар райондарында ҡорбандар сағыштырмаса аҙ була. Шул уҡ ваҡытта 11 300-ҙән ашыу кеше йәрәхәтләнә һәм 35 000 төҙөлөш зыян күрә. Дунайҙың икенсе ярында, Свиштов ҡалаһында, Болгария, өс күп фатирлы йорт емерелә, унда 100 кеше һәләк була.
См. шулай уҡ үҙгәртергә
- Вранча ер тетрәүе (1940)