Екомасов Евгений Григорьевич
Екомасов Евгений Григорьевич (8 июнь 1958 йыл) — ғалим-физик. 1980 йылдан Башҡорт дәүләт университеты уҡытыусыһы. Физика-математика фәндәре докторы (2006), профессор (2010). Башҡортостан Республикаһының мәғариф отличнигы (2000), Рәсәй Федерацияһының почётлы юғары һөнәри белем биреү хеҙмәткәре (2011).
| Екомасов Евгений Григорьевич | |
| Зат | ир-ат |
|---|---|
| Гражданлыҡ |
 СССР Рәсәй |
| Тыуған көнө | 8 июнь 1958[1] (66 йәш) |
| Тыуған урыны | Приморье крайы, РСФСР, СССР[1] |
| Һөнәр төрө | ғалим, физик, университет уҡытыусыһы |
| Эш урыны | Октябрҙең 40 йыллығы исемендәге Башҡорт дәүләт университеты[1] |
| Уҡыу йорто | Октябрҙең 40 йыллығы исемендәге Башҡорт дәүләт университеты[1] |
| Ғилми исеме | профессор[d][1] |
| Ғилми дәрәжә | физика-математика фәндәре докторы[d][1] (2006) |
| Маҡтаулы исемдәре һәм башҡа бүләктәре |
 |
Биографияһы
үҙгәртергәЕвгений Григорьевич Екомасов 1958 йылдың 8 июнендә Приморье крайы Анучино ауылында тыуған. 1980 йылда Башҡорт дәүләт университетының физика факультетын тамамлай һәм шунда уҡ эшкә ҡалдырыла. Теоретик физика кафедраһы аспирантураһында уҡый. Кандидатлыҡ диссертацияһын 1991 йылда Мәскәү дәүләт университетында («Физика магнитных явлений» һөнәре буйынса), докторлыҡ диссертацияһын (Физика конденсированного состояния) 2005 йылда Силәбе дәүләт университетында яҡлай. БДУ-ла 1980 йылдан алып 1997 йылға тиклем — доцент, 2006 йылдан — профессор вазифаһында. 2003 йылдан — белем сифатын тикшереү бүлеге начальнигы.
Фәнни эшмәкәрлеге
үҙгәртергәФәнни эшмәкәрлеге магнит күренештәре физикаһына һәм ҡаты есем физикаһына арналған. Е. Г. Екомасов күп рәшәткә аҫты магнетиктарындағы ҙур күләмле магнит төрлөлөктәрен өйрәнә; домендар сигенең иң ҙур хәрәкәт тиҙлеге янында теорияның лоренц-инвариантлығы боҙолоу, уларҙың хәрәкәт йүнәлешен билдәләүсе фаза күсеү һәм тауыш тиҙлеге янында динамик яҡтан үҙгәреү ихтималлығын билдәләй; ферроһәм антиферромагнетиктарҙа магнитланыуҙың һыҙыҡлы булмаған тулҡындарының структура үҙенсәлектәрен, таралыуын һәм барлыҡҡа килеүен тикшерә.
200 ҙән ашыу фәнни хеҙмәт авторы.
Халыҡ-ара һәм Бөтә рәсәй фәнни конференциялар ҡатнашыусыһы. Башҡортостан Республикаһында физика буйынса «Уҡыусы-студент-аспирант-ғалим» өҙлөкһөҙ әҙерләү системаһын ойоштороусыларҙың береһе, күп йылдар физика буйынса уҡыусылар араһында республика олимпиадалары, Өфө кубогы һәм МАН физика секцияһының жюрийы рәйесе. Физика буйынса БДУ-ла үткәрелгән 20-нән ашыу йәштәр фәнни конференциялар һәм семинарҙар ойоштороусыһы.
Төп ғилми хеҙмәттәре
үҙгәртергә- Динамика неелевской доменной границы с «тонкой» структурой в редкоземельных ортоферритах (авторҙаш)
- Физика твёрдого тела. 2001. Т.43. Вып.7; Reversal process of a magnetic vortex core under the combined action of a perpendicular field and spin transfer torque (авторҙаш)
- Applied Physics Letters. 2013. Vol.102. Is.6.
Маҡтаулы исемдәре һәм башҡа бүләктәре
үҙгәртергә- Рәсәй Федерацияһы Мәғариф һәм фән министрлығының Почет грамотаһы (2008);
- Башҡортостан Республикаһының Фәндәр академияһы Почет грамотаһы (2001);
- Башҡортстан Республикаһы Мәғариф министрлығының Почет грамоталары (2006, 2007, 2008, 2009, 2010, 2011);
- Башҡортостан Республикаһының мәғариф отличнигы (2000);
- Рәсәй Федерацияһының почётлы юғары һөнәри белем биреү хеҙмәткәре (2011);
- Башҡортостан Республикаһының «Молодежная газета»һының «Премьера» әҙәби конкурсы лауреаты (2009);
- Башҡортостан Республикаһы Президенты стипендиаты (2002—2003).
Иҫкәрмәләр
үҙгәртергә- ↑ 1,0 1,1 1,2 1,3 1,4 1,5 Башкирская энциклопедия (урыҫ) — Башкирская энциклопедия, 2005. — 4344 с.
Һылтанмалар
үҙгәртергә- Екомасов Евгений Григорьевич // Башҡорт энциклопедияһы. — Өфө: БР ДАҒУ «Башҡорт энциклопедияһы», 2015—2024. — ISBN 978-5-88185-143-9. (Тикшерелеү көнө: 5 июнь 2021)