Вәлиәхмәтов Рифат Миңләхмәт улы

Вәлиәхмәтов Рифат Миңләхмәт улы
	Вәлиәхмәтов Рифат Миңләхмәт улы
Зат	ир-ат
Гражданлыҡ	Рәсәй; СССР
Тыуған көнө	4 февраль 1938
Тыуған урыны	Башҡортостан Республикаhы, РСФСР, СССР
Вафат булған көнө	25 июнь 2014 (76 йәш)
Вафат булған урыны	Өфө, Рәсәй
Эшмәкәрлек төрө	педагогика
Эш урыны	Мифтахетдин Аҡмулла исемендәге Башҡорт дәүләт педагогия университеты
Ғилми дәрәжә	педагогия фәндәре кандидаты[d]
Әүҙемлек урыны	Мифтахетдин Аҡмулла исемендәге Башҡорт дәүләт педагогия университеты
Маҡтаулы исемдәре һәм башҡа бүләктәре

Вәлиәхмәтов Рифат Миңләхмәт улы (4 февраль 1938 йыл — 25 июнь 2014 йыл) — СССР һәм Рәсәй ғалим-педагогы, педагогия фәндәре кандидаты, профессор, Башҡорт дәүләт педагогия университетының физик культура факультетын ойоштороусы.

Бер нисә фәнни хеҙмәт авторы.

Биографияһы

Рифат Миңләхмәт улы Вәлиәхмәтов 1938 йылдың 4 февралендә тыуған.

Йәш сағында баскетбол менән шөғөлләнә. Юғары уҡыу йортон тамамлағандан һуң, 1980 йылда П. Ф. Лесгафт исемендәге физик культура институтында «Исследование методики контроля и совершенствования физической подготовленности мотогонщиков в гонках по гаревой и ледяной дорожкам» темаһы буйынса кандидатлыҡ диссертацияһын яҡлай.^[1] Был илдә мотоцикл спорты проблемалары буйынса беренсе диссертация була.^[2]

44 йыл дауамында Башҡорт дәүләт педагогия университетында физик тәрбиә биреү кафедраһы мөдире һәм физик культура факультетының беренсе деканы, физик тәрбиә һәм спорттың теоретик нигеҙҙәре кафедраһы мөдире булып эшләй. Һуңғы йылдарҙа физик культура һәм спорт теорияһы һәм методикаһы кафедраһы профессоры була^[3]

Вәлиәхмәтов Рифат РБ Баскетбол федерацияһын, РБ урыҫ лаптаһы федерацияһын ойоштороуҙа ҙур көс һалып, республикала спорт үҫешенә ҙур өлөш индерә. Башҡортостан Республикаһында оҙаҡ йылдар Рус лаптаһы федерацияһын етәкләй. Ул шулай уҡ 30 йылдан ашыу тарихи традицион спорт байрамы — Өфө Һары туп көнөнөң инициаторы һәм ойоштороусыһы була.^[2]

Өфөлә 2014 йылдың 25 июнендә вафат була.^[2]

«РСФСР-ҙың халыҡ мәғарифы отличнигы», «СССР-ҙың мәғариф отличнигы», «Рәсәй Федерацияһының иң яҡшы физик культура хеҙмәткәре», «Башҡортостан Республикаһының атҡаҙанған физик культура хеҙмәткәре», «Рәсәй Федерацияһының атҡаҙанған физик культура хеҙмәткәре» (2004)^[4], «Физик культура һәм спорт отличнигы». Бөтә донъя башҡорттары ҡоролтайының көмөш билдәһе менән бүләкләнә, «Башҡортостан Республикаһында спортты үҫтереүгә индергән өлөш өсөн» билдәһе, Николай Озеров миҙалы һәм Рәсәй Олимпия комитетының милли спорт төрөн үҫтереү өсөн грамотаһы менән бүләкләнә.^[5]

Иҫкәрмәләр

↑ Диссертация кандидата педагогических наук
↑ ^2,0 ^2,1 ^2,2 Ушел из жизни профессор Рифад Валиахметов
↑ Валиахметов Рифад Миниахметович 2019 йыл 7 декабрь архивланған.
↑ О награждении государственными наградами Российской Федерации
↑ Валиахметов Рифад Миниахметович 2019 йыл 7 декабрь архивланған.

Һылтанмалар

[1] Диссертация кандидата педагогических наук

[bashinform-2] 2,0 ^2,1 ^2,2 Ушел из жизни профессор Рифад Валиахметов

[3] Валиахметов Рифад Миниахметович 2019 йыл 7 декабрь архивланған.

[4] О награждении государственными наградами Российской Федерации

[5] Валиахметов Рифад Миниахметович 2019 йыл 7 декабрь архивланған.

[1]

[2]

[3]

[4]

[5]