Вәлиев Юнер Сәлим улы
Вәлиев Юнер Сәлим улы (рус. Валеев Юнер Салимович; 8 июль 1953 йыл) — муниципаль хеҙмәткәр, йәмәғәтсе. Башҡортостан Республикаһының беренсе саҡырылыш (1995—1999) Дәүләт Йыйылышы — Ҡоролтай һәм Башҡортостан Республикаһының икенсе саҡырылыш (1999—2003) Дәүләт Йыйылышы — Ҡоролтай депутаты итеп һайланған[1]. Башҡортостан Республикаһының атҡаҙанған төҙөүсеһе (2002).
| Вәлиев Юнер Сәлим улы | |
| Зат | ир-ат |
|---|---|
| Гражданлыҡ |
 СССР |
| Тыуған көнө | 8 июль 1953 (70 йәш) |
| Тыуған урыны |
Йылайыр районы, Башҡорт АССР-ы, РСФСР, СССР Һабыр, Йылайыр районы, Башҡорт АССР-ы, РСФСР, СССР |
| Һөнәр төрө | ветеринар |
| Уҡыу йорто | Башҡорт дәүләт аграр университеты |
Биографияһы үҙгәртергә
Юнер Сәлим улы Вәлиев 1953 йылдың 8 июлендә Башҡортостан Республикаһының Йылайыр районындағы Һабыр ауылында тыуған.
Юғары белемле — Башҡортостан ауыл хужалығы институтын тамамлаған. Һөнәре — ветеринария табибы.
Хеҙмәт юлын 1970 — Йылайыр районы «Башкирский» игенселек совхозының Һабыр бүлексәһендә ауыл хужалығы эшсеһе булып башлай.
1970—1971 йылдарҙа — Юлдыбайҙағы 4-се ауыл һөнәри-техник училищеһының водителдәр курсында уҡый.
1971—1973 йылдарҙа — Совет Армияһында хеҙмәт итә.
1973—1974 — Йылайыр районының «Башкирский» игенселек совхозы бүлексәһенең ауыл хужалығы эшсеһе.
1974 йылда — Йылайыр районының «Башкирский» игенселек совхозы водителе.
1975—1980 йылдарҙа — Башҡортостан ауыл хужалығы институтының ветеринария факультеты студенты.
1980—1982 — «Башкирский» игенселек совхозының өлкән ветеринария табибы.
1982—1984 — Йылайыр районының «Юлдыбай» совхозында баш зоотехник.
1984—1993 — Йылайыр районының «Һабыр» совхозы директоры.
1993—2005 — Йылайыр район Советы башҡарма комитеты рәйесе — район хакимиәте башлығы
2006 йылдан — Башҡортостан Республикаһының Йылайыр районы муниципаль район хакимиәте башлығы[2].
Йәмәғәт эшмәкәрлеге үҙгәртергә
1995 йылда 47-се Йылайыр һайлау округынан Башҡортостан Республикаһының беренсе саҡырылыш (1995—1999) Дәүләт Йыйылышы — Ҡоролтай депутаты итеп һайланған, 1999 йылда 46-сы Йылайыр һайлау округынан икенсе тапҡыр республиканың закондар сығарыу юғары органына — икенсе саҡырылыш (1999—2003) Дәүләт Йыйылышы — Ҡоролтайға депутат итеп һайлана.
Маҡтаулы исемдәре һәм башҡа бүләктәре үҙгәртергә
- Башҡортостан Республикаһының атҡаҙанған төҙөүсеһе
- Башҡортостан Республикаһының мәғариф отличнигы
- Салауат Юлаев ордены
- Башҡортостан Республикаһының Почет грамотаһы
- Башҡортостан Республикаһы Хөкүмәтенең Почет грамотаһы
- Эске эштәр министрлығының Почет грамотаһы
- Башҡортостан Республикаһы Дәүләт Йыйылышы — Ҡоролтайҙың Почёт грамотаһы
Шулай уҡ ҡарағыҙ үҙгәртергә
Иҫкәрмәләр үҙгәртергә
Сығанаҡтар үҙгәртергә
- Парламентаризм в Башкортостане: история и современность. Документы и материалы / Сост. В. Г. Азнагулов, З. Г. Хамитова. — Уфа: Башкортостан, 2005. — Т. 2. — ISBN 5-8258-0204-5.
Һылтанмалар үҙгәртергә
- Презентовали книгу о нашем земляке Юнере Валееве 2021 йыл 15 июль архивланған.
| «Шәхестәр» порталы |
