Воронеж зоопаркы

А. С. Попов исемендәге Воронеж зоопаркы — Воронеж ҡалаһының Авиатөҙөүселәр паркындағы зоопаркы.

Воронеж зоопаркы
Нигеҙләү датаһы	1994
Дәүләт	Рәсәй
Административ-территориаль берәмек	Воронеж
Рәсми сайт	zooparkvrn.ru
Воронеж зоопаркы Викимилектә

Тарихы

Воронеж зообаҡсаһы 1994 йылдың декабрендә асыла. Асылған көндә ул бер залдан тора, ләкин йылдар үтеү менән аквариум залы, һөйрәлеүселәр һәм хайуандар залы, ат аҙбары , ҡоштар залы һәм ҡышҡы баҡсаһы булған ҡоролмаға әйләнә. Иң беренсе булып зообаҡсала крокодилдар, айыуҙар, маймылдар, ишәк барлыҡҡа килә. Хәҙер зоопарк төлкөләр, аҡҡоштар, өкөләр, лама, дөйә, бүреләр, питондар һәм башҡа хайуандар өсөн ысын йортҡа әйләнгән. Зоопарктың иҫтәлекле урындарының береһе булып террариум тора, унда ер-һыу хайуандары һәм һөйрәлеүсе хайуандарҙың төрлө төрҙәре бар. Һөйрәлеүселәрҙең боронғо төркөмөн крокодилдар, шулай уҡ ағыулы булмаған ғәйәт ҙур йыландар (быуар йыландар һәм питондар), король йыланы, һаҙ гөбөргәйелдәре, тәлмәрйендәр, һыу кеҫәрткеләре, йәшел кеҫәрткеләр тәшкил итә. Зоопарктың иҫтәлекле урыны һәм айырым ғорурлығы булып банан үләне, гранат, грейпфрут, лимон, фейхоа, мандарин, ҡәһүә ағастары һәм бик күп бүлмә сәскәләре кеүек экзотик үҫемлектәр коллекцияһы тора. 2000 йылда зоопарк «Зоопарктарҙың һәм аквариумдарҙың Евроазия төбәк ассоциацияһы мәғлүмәт йыйынтығына» (EARAZA) индерелә. 2005 йылда Воронеж зоопаркы мәҙәниәт һәм туризм өлкә идаралығы ведомствоһына күсә.

Экспозицияһы

Зоопаркта 7 зал асылған. Күргәҙмә экспозицияһында 170 төр хайуан иҫәпләнә: балыҡтарҙың 63 төрө, һөйрәлеүселәрҙең 22 төрө, ҡоштарҙың 43 төрө, һөтимәрҙәрҙең 40 төрө, умыртҡаһыҙҙарҙың 2 төрө. Күргәҙмә майҙаны 0,5 гектар, паркка тоташып торған территорияһының майҙаны 6,8 гектар.

Хәйриә

2002 йылдан башлап Воронеж зоопаркы «Опека животных» программаһын тормошҡа ашыра. «Аҫрауға алған ата-әсәләр» зоопарктың әлегә «уллыҡҡа алынмаған» теләһә ниндәй хайуанын һайлай ала, йәки зоопарк өсөн хайуан һатып алырға һәм уны үҙенең опекаһына алырға мөмкиндәр.

Галерея

• 
  Воронеж зоопаркына төп инеү урыны
• 
  Ҡышҡы баҡса
• 
  Аквариум залы

Һылтанмалар

• Сайт Воронежского зоопарка
• На Викискладе есть медиафайлы по теме Воронежский зоопарк