Бәшәрова Гүзәл Рәдис ҡыҙы
Бәшәрова Гүзәл Рәдис ҡыҙы (6 май 1966 йыл) — терапевт. Медицина фәндәре докторы (1999), профессор (2008)[1][2].
| Бәшәрова Гүзәл Рәдис ҡыҙы | |
| Зат | ҡатын-ҡыҙ |
|---|---|
| Гражданлыҡ |
 Рәсәй Башҡортостан Республикаhы |
| Тыуған көнө | 6 май 1966 (57 йәш) |
| Тыуған урыны | Учалы, Башҡорт АССР-ы, РСФСР, СССР |
| Һөнәр төрө | терапевт, университет уҡытыусыһы |
| Эш урыны | БДМУ |
| Уҡыу йорто | БДМУ |
| Ғилми дәрәжә | медицина фәндәре докторы[d] һәм профессор[d] |
Биографияһы үҙгәртергә
Бәшәрова Гүзәл Рәдис ҡыҙы 1966 йылдың 6 майында БАССР-ҙың, хәҙерге Башҡортостан Республикаһының Учалы ҡалаһында тыуған. 1989 йылда Башҡорт дәүләт медицина университетының дауалау факультетын «терапия» һөнәре буйынса тамамлай. Шул уҡ йылда Хеҙмәт медицина һәм кеше экологияһы ғилми тикшеренеү институтында хеҙмәт юлын башлай, 1999 йылдан алып өлкән ғилми хеҙмәткәр, 2000 йылдан башлап Башҡорт дәүләт медицина университетында уҡыта. Табиптарҙың поликлиника терапияһы, хеҙмәткә яраҡһыҙлыҡты экспертизалау буйынса белемен камиллаштырыу һәм квалификацияһын күтәреү буйынса уҡыуҙар үткәрә. 2011 йылда Башҡортостан Республикаһы һаулыҡ һаҡлау министрлығының Почет грамотаһы менән бүләкләнә[1][3].
Фәнни эшмәкәрлеге үҙгәртергә
Фәнни эшмәкәрлегенең төп йүнәлештәре — диоксиндарҙың кеше организмына тәьҫирен өйрәнеү буйынса фундаменталь тикшеренеүҙәр. Уның тарафынан хеҙмәт медицинаһында профессиональ хәүефте баһалау һәм идара итеүҙең концептуаль моделен, хеҙмәт шарттарын интеграль баһалауҙы, производствоға бәйле ауырыуҙарҙы таныү алгоритмын, һаулыҡҡа килтерелгән зыян миҡдарын иҫәпләүҙе үҙ эсенә алған стандарт эшләнгән[3]. Ике уйлап табыу (Способ определения степени зависимости болезни от работы. Патент № 2189589, 20.09.02; Способ определения экологически безопасного уровня содержания тяжелых металлов в крови человека. Патент № 2336532 20.10.08), 3 рационализаторлыҡ тәҡдиме (Приспособление для пережатия вены при заборе крови. № 244/2. 27.06.95; Программа для статистической обработки данных, полученных при медицинском обследовании. № 266/3. 17.09.98; Способ медицинского отбора рабочих на хлорорганическое производство. № 288 18.06.04;) авторы. Республика «Кто есть кто» китабына һәм "БР энциклопедияһы"на индерелгән[3].
Йәмәғәт эшмәкәрлеге үҙгәртергә
Йәмәғәт-фәнни эш алып бара: Башҡорт дәүләт медицина университетының йәмәғәтселек һаулығы һәм һаулыҡ һаҡлауҙы ойоштороу буйынса проблемалы комиссияһы ағзаһы, Башҡортостан Республикаһы Фәндәр академияһының медицина бүлеге ғилми Советы ағзаһы, Башҡортостан Республикаһы Фәндәр академияһының ғилми эштәр бойондороҡһоҙ эксперты. Диссертацион һәм фәнни-тикшеренеү эштәренең рецензенты һәм оппоненты булып сығыш яһай. Фәнни-практик конференцияларҙа әүҙем ҡатнаша[3].
Маҡтаулы исемдәре һәм бүләктәре үҙгәртергә
— Башҡортостан Республикаһы һаулыҡ һаҡлау министрлығының Почет грамотаһы (2011)
— Медицина фәндәре докторы (1999)
Баҫылып сыҡҡан фәнни хеҙмәттәре үҙгәртергә
Баҫылып сыҡҡан 165 фәнни хеҙмәте, шул иҫәптән 3 монографияһы бар:
- Диоксины в научной литературе. (Уфа, 1997);
- Медико-биологические последствия диоксинов. (Уфа, 2002);
- Профессиональный риск для здоровья работников химических и нефтехимических производств. (Уфа, 2005)
Иҫкәрмәләр үҙгәртергә
- ↑ 1,0 1,1 Бәшәрова Гүзәл Рәдис ҡыҙы
- ↑ Башарова Гузель Радисовна 2021 йыл 4 октябрь архивланған.
- ↑ 3,0 3,1 3,2 3,3 Известные учёные
Һылтанмалар үҙгәртергә
- Бәшәрова Гүзәл Рәдис ҡыҙы // Башҡорт энциклопедияһы. — Өфө: БР ДАҒУ «Башҡорт энциклопедияһы», 2015—2024. — ISBN 978-5-88185-143-9.
- Известные учёные
- Башарова Гузель Радисовна 2021 йыл 4 октябрь архивланған.