Хәлитов Бәхтейәр Әсфәндиәр улы
Хәлитов Бәхтейәр Әсфәндиәр улы (1942 йылдың 7 ғинуарында тыуған) — башҡорт шағиры, иҡтисадсыһы.
| Хәлитов Бәхтейәр Әсфәндиәр улы | |
| Тыуған көнө | 1942 |
|---|---|
| Тыуған урыны | Күгәрсен районы, Башҡорт АССР-ы, РСФСР, СССР |
| Һөнәр төрө | журналист |
Биографияһы үҙгәртергә
Хәлитов Бәхтейәр Әсфәндиәр улы 1942 йылда Башҡорт АССР-ының Күгәрсен районы I Дәүләтҡол ауылында тыуған. 3 айлыҡ сағында атаһының тыуған яғына Ейәнсура районы Таҙлар ауылына күсеп китәләр.
Таҙлар урта мәктәбен тамамлағандан һуң, механизатор булып эшләй.
1962—1965 йылдарҙа Совет Армияһында хеҙмәт итә.
1970 йылда Башҡорт дәүләт университетын тамамлай.
Ижади эшмәкәрлеге үҙгәртергә
Оҙаҡ йылдар фәнни-тикшеренеү институттарында эшләй. Иҡтисад фәндәре кандидаты, доцент. Хәҙерге көндә Башҡорт дәүләт университетында уҡыта.
1990-сы йылдарҙа шиғыр китаптары баҫылып сыға башлай. Бәхтейәр Хәлитовтың ижадына тематика төрлөлөгө хас, шиғырҙарында фекер һәм хис-тойғолар хәрәкәте тойола. Шағир-пропагандист булараҡ, Бәхтейәр Әсфәндиәр улы үҙ милләте, үҙ халҡы, уның үткәне һәм хәҙергеһе өсөн ғорурлыҡ тойғоһо кисерә.
Шиғри йыйынтыҡтары үҙгәртергә
- 2001 — «Аҡ урман»
- 2003 — «Рухым ҡанаттары минең»
- 2004 — «Аҡ ҡаяла»
- 2005 — «Дарман»
- Хәлитов Б. А. Аҡ ҡаяла: Шиғырҙар. — Уфа: Китап, 2009. — 140 б.
Маҡтаулы исемдәре һәм башҡа бүләктәре үҙгәртергә
Иҫкәрмәләр үҙгәртергә
Сығанаҡтар үҙгәртергә
- Писатели земли башкирской. Справочник / (сост.: Р. Н. Баимов, Г. Н. Гареева, Р. Х. Тимергалина). Переработанное и дополненное второе издание. — Уфа: Китап, 2015. — 672 с. ISBN 978-5-295-06338-1 (рус.)
- Писатели земли башкирской. Справочник / Сост.: Р. Н. Баимов, Г. Н. Гареева, Р. Х. Тимергалина. — Уфа: Китап, 2006. — 417 с. (рус.)