Бурков Александр Леонидович
Бурков Александр Леонидович (23 апрель 1967 йыл, Кошва, Свердловск өлкәһе, РСФСР, СССР) — Рәсәй сәйәсмәне. 2018 йылдың 14 сентябренән Омск өлкәһе губернаторы (2017 йылдың 9 октябренән 14 сентябренә тиклем Омск өлкәһе губернаторы вазифаларын ваҡытлыса башҡарыусы)[2]. «Ғәҙел Рәсәй» партияһы Үҙәк советы Президиумы ағзаһы[3].
.jpg)
V, VI һәм VII саҡырылыш Дәүләт думаһы депутаты (2007— 2017), 2017 йылға тиклем — «Ғәҙел Рәсәй» сәйәси партияһының Свердловск төбәк бүлеге рәйесе, «Ғәҙел Рәсәй» фракцияһы ағзаһы һәм рәйесенең беренсе урынбаҫары.
Биографияһы
үҙгәртергәАлександр Леонидович Бурков 1967 йылдың 23 апрелендә Свердловск өлкәһенең Кошва ҡалаһында тыуған. Урта мәктәпте тамамлағас, С. М. Киров исемендәге Урал политехника институтының йылылыҡ-энергетика факультетына уҡырға инә. 1989 йылда инженер-йылылыҡ энергетигы дипломын ала.
Юғары уҡыу йортон тамамлағас, «Малахит» (һуңынан East Line) туристик кооперативы хеҙмәткәре була, уны шул уҡ уҡыу йортон тамамлаған Урал эшмәкәре Антон Баков етәкләй. Һуңынан Баков менән Бурков бергә сәйәсәткә китә һәм шул ваҡыттан башлап Баков 10 йылдан артыҡ Бурковтың «сәйәси яҡлаусыһы» булып тора[4]. Был иһә яҙыусы Алексей Ивановтың 2014 йылда сыҡҡан «Ебург» исемле документаль китабында тасуирлана[5].
1990 йылдар башында улар икеһе лә Мәскәүҙә Рәсәй Хөкүмәте ҡарамағында иҡтисади реформалар үҙәгендә эшләгәндәр[6].
Свердловск өлкәһе Думаһы депутаты
үҙгәртергә1994 йылда Бурков ПРЕС партияһынан Серовск өлкә Думаһы депутаты итеп һайлана. 1995 йылда, Свердловск өлкәһе губернаторын һайлағандан һуң, Свердловск өлкәһе Хөкүмәте рәйесе урынбаҫары — Дәүләт милке менән идара итеү комитеты рәйесе вазифаһына билдәләнә.
1998 йылда Кошва округы буйынса Свердловск өлкәһе буйынса Закон сығарыу йыйыны вәкилдәре палатаһы депутаты итеп һайлана. Шул уҡ йылда «Свердловск өлкәһе, сәнәғәт парламенты» ижтимағи ойошмаһы рәйесе итеп һайлана. 1999 йылдың апрелендә Баков ойошторған «Май» социаль гарантиялары өсөн хеҙмәт итеүселәр хәрәкәтенең өлкә советы рәйесе итеп һайлана.
Шулай уҡ 1998 йылда Рәсәй Фәндәр академияһының Урал бүлегенең иҡтисад институтында «Милек мөнәсәбәттәрен һөҙөмтәле реформалаштырыуҙың институциональ факторҙары» дисссертацияһы өсөн иҡтисад фәндәре кандидаты ғилми ала дәрәжәһен[7].
1999 йылда Свердловск өлкәһе губернаторы һайлауҙарында ҡатнаша, һайлауҙарҙың икенсе турына сыға. 1999 йылдың октябрендә III саҡырылыш Дәүләт думаһына һайлауҙарҙа ҡатнашҡан «Мир, Труд, Май» һайлау блогының лидеры була.
Свердловск өлкәһе Закондар сығарыу йыйылышы депутаты
үҙгәртергә2000 йылда партия исемлектәре буйынса тауыш биреү һөҙөмтәләре Свердловск өлкәһе буйынса Закондар сығарыу йыйылышының Өлкә думаһы депутаты итеп «Май» социаль гарантиялар өсөн хеҙмәт итеүселәр хәрәкәтенән һайлана.
2003 йылда Баков Бурковтың «сәйәси яҡлаусыһы» ролен уйнауҙан туҡтай, көнәркәштәрҙең юлдары башта район үҙәге, ә һуңынан федераль дәрәжәлә тарала[8]. Баков дөрөҫөн әйткәндә уң яҡҡа китеп, уң көстәр союзының төп политтехнологтарынан береһе була[9]. Бурков һул социалисттар араһында эшсәнлеген дауам итә — Өлкә думаһына һайлауҙарҙа «Урал бюджетсыларын союзы»н етәкләй (2004 йылда яңынан һайлана), ә һуңынан «Ғәҙел Рәсәй»ҙең төбәк бүлеге лидеры булараҡ, ике тапҡыр РФ Дәүләт думаһы депутаты була.
«Ғәҙел Рәсәй: Тыуған ил/Пенсионерҙар/Тормош» партияһына 2007 йылда күсә һәм Свердловск региональ бүлексәһе советы бюроһы секретары итеп билдәләнә.
Дәүләт Думаһы депутаты
үҙгәртергә2007 йылдың 2 декабрендә V саҡырылыш Дәүләт думаһы депутаты итеп һайлана, транспорт комитеты ағзаһы була. «Ғәҙел Рәсәй»ҙән һәм партияның Свердловск бүлегенән Евгений Ройзман (2007 йылдың октябрендә, Дәүләт Думаһына һайлауҙарға бер ни тиклем ваҡыт ҡалғас), ә һуңынан Яков Невелев киткәндән һуң, Бурков 2008 йылдың июлендә партияның Свердловск бүлеге рәйесе итеп һайлана. 2010 йылдың июнендә яңынан һайлана. 2011 йылдың апрелендә Мәскәүҙә «Ғәҙел Рәсәй»ҙең V съезында партияның Үҙәк советы Президиумы составына һайлана.
2010 йылда Бурков етәкселегендәге Свердловск өлкәһе, «Ғәҙел Рәсәй» партияһы, партия исемлектәре Свердловск өлкәһе буйынса Закондар сығарыу йыйылышыга депутаттар һайлауҙа ҡатнашып, 19,30% тауыш йыйып, өсөнсө урынды ала. Был Рәсәй буйынса «Ғәҙел Рәсәй» партияһының иң яҡшы һөҙөмтәһе була.
2011 йылдың декабрендә Бурков Александр V саҡырылыш Дәүләт Думаһына һәм Свердловск өлкәһе, Закондар сығарылыш йыйылышына һайлауҙарҙа ҡатнаша. «Ғәҙел Рәсәй» партияһы өлкә бүлеге өлкә закондар сығарыу йыйылышында 50 урындың 9-ын алған.
Бурков Александр яңынан VI саҡырылыш Дәүләт думаһына һайлана. «Ғәҙел Рәсәй»ҙең Свердловск бүлеге ил буйынса иң яҡшы һөҙөмтәләрҙең береһен күрһәтә — тауыш биреүселәрҙең 24,7% «Ғәҙел Рәсәй» ағзаларын һәм Александр Бурковты хуплай. «Ғәҙел Рәсәй» ағзалары Закон сығарыу йыйылышына һайлауҙарҙа тауыш биреүселәрҙең 30,44% тауышын йыя.
2013 йылдан — «Ғәҙел Рәсәй» партияһының һайлау кампанияларын әҙерләүҙе һәм үткәреүҙе ойоштороу мәсьәләләре буйынса Президиум секретары.
Омск өлкәһе губернаторы
үҙгәртергә.jpg)
2017 йылдың 9 октябрендә губернатор вазифаһына ингәнсе Омск өлкәһе губернаторы вазифаларын ваҡытлыса башҡарыусы итеп билдәләнә[10]. Бушаған Дәүләт Думаһы депутаты мандаты Дмитрий Ионинға тапшырыла.
2018 йылдың 10 сентябрендә Омск өлкәһе губернаторы һайлауҙарында 82,56% тауыш йыя.
2019 йылдың 2 авгусынан 2020 йылдың 27 ғинуарына тиклем — Рәсәй Федерацияһы Дәүләт советы президиумы ағзаһы.
Шәхси тормошо
үҙгәртергәБурков Александр өйләнгән, улы Владимир бар.
Бүләктәре
үҙгәртергәИҫкәрмәләр
үҙгәртергә- ↑ http://www.assembly.coe.int/nw/xml/AssemblyList/MP-Details-EN.asp?MemberID=7009
- ↑ Александр Бурков вступил в должность губернатора Омской области
- ↑ Бурков Александр Леонидович. spravedlivo.ru.
- ↑ Lenta.ru
- ↑ Кот Сосискин, «мегасексуальный проект» и «феромоны важнее политики»: о прошлом губернатора Буркова — Николай Эйхвальд, BK55.ru, 13 октября 2017 г.
- ↑ «Май»: феномен или политический экстремизм? — ЭкспертРУ — Новости дня 2018 йыл 30 сентябрь архивланған.
- ↑ Тест Тьюринга
- ↑ Александр Бурков: «Городские депутаты устали быть мальчиками на побегушках». ura.news.
- ↑ Антон Баков вступил в СПС. www.ural.ru. 2019 йыл 29 ғинуар архивланған.
- ↑ Александр Бурков назначен временно исполняющим обязанности губернатора Омской области
- ↑ Указ Президента Российской Федерации от 12 июня 2013 года № 557 «О награждении государственными наградами Российской Федерации» 2013 йыл 19 октябрь архивланған.