Башҡортостан Республикаһы Журналистар союзы
Башҡортостан Республикаһы Журналистар союзы — Башҡортостан Республикаһы төбәк йәмәғәт ойошмаһы, сәйәси булмаған ижади берекмә.
| Башҡортостан Республикаһы Журналистар союзы | |
| Административ үҙәге | |
|---|---|
| Ойошма төрө |
Ижади йәмәғәт ойошмаһы |
| Рәсми телдәре |
урыҫ, башҡорт |
| Етәкселәре | |
| рәйес |
Вәдүт Исхаҡов (2020 йылдың декабренән) |
| Нигеҙләнгән | |
| Бөтөрөлгән | |
| - | |
Тарихы
үҙгәртергәИжади союз Өфөлә 1957 йылда ойошторола.
Төп маҡсаттары һәм бурыстары
үҙгәртергәҺүҙ һәм матбуғат иркен тәьмин итеүгә булышлыҡ итеү, журналистарҙың һөнәри кимәлен күтәреү, берекмә ағзаларының социаль‑хоҡуҡи һәм һөнәри мәнфәғәттәрен яҡлау. Башҡортостан Республикаһы Журналистар союзы журналистар съездарын, ижади осрашыуҙар, конкурстар ойоштора һәм үткәрә; йәш журналистарға һөнәри-ижади эштә ярҙам итә, иң яҡшы әҫәрҙәрҙе Башҡортостан Республикаһы Хөкүмәтенең Шәһит Хоҙайбирҙин исемендәге, Рәсәй Федерацияһы Журналистар союзы һәм Халыҡ-ара журналистар союздары конфедерацияһының премияларына, шулай уҡ журналистарҙы маҡтаулы исемдәргә һәм дәүләт наградаларына тәҡдим итә.
Юғары органы
үҙгәртергәИжади берекмәнең юғары етәксе органы — съезд, ул биш йылға бер тапҡыр саҡырыла. Ойошманың башҡарма органы — рәйес етәкселегендәге идара.
Башҡортостан Республикаһы Журналистар союзы структураһына түбәнге ойошмалар һәм район-ара ижади берекмәләр инә.
Союз эшмәкәрлеге
үҙгәртергәБашҡортостан Республикаһы Журналистар союзы Интернет-журналистика Хартияһын булдырған. Ижади берекмә йыл һайын «Башҡортостандың алтын ҡаурыйы», «Матбуғат йөҙө» республика конкурстарын, йәш журналистар фестивален үткәрә, бөтә ҡәләм оҫталары фестивале «Журфест» һәм «Пресса балы»н ойоштора.
2020 йылдың 15 февралендә Журналистар союзының сираттағы XXII съезы үтте, унда 110 кеше ҡатнашты. Пандемия арҡаһында съезд онлайн-форматта ойошторолдо. Ижади берекмәнең 2016—2020 йылдарҙағы эшмәкәрлеге тураһында отчёт менән идара рәйесе Артур Дәүләтбәков сығыш яһаны. Район баҫмалары вәкилдәре актуаль проблемалар күтәрҙе. Съезд «Башҡортостан» гәзитенең баш мөхәррире Вәдүт Исхаҡовты ижады берекмә рәйесе итеп һайланы[1].
Рәйестәре
үҙгәртергә- Бүләков Динис Мөҙәрис улы
- Исмәғилев Абдулла Ғиниәт улы
- Рамазанов Ғилемдар Йыһандар улы
- Сәлимов Марсель Шәйнур улы
- Хажиев Ризван Закирхан улы
- Дәүләтбәков Артур Хәсән улы (2010—2020)
- Исхаҡов Вәдүт Ғәйфулла улы (2020 йылдың декабренән).
Иҫкәрмәләр
үҙгәртергә- ↑ На XXII съезде Союза журналистов Башкортостана выбрали нового председателя. ИА «Башинформ», 15 декабря 2020 года (рус.) (Тикшерелеү көнө: 15 декабрь 2020)
Һылтанмалар
үҙгәртергә- Журналистар союзы // Башҡорт энциклопедияһы. — Өфө: БР ДАҒУ «Башҡорт энциклопедияһы», 2015—2024. — ISBN 978-5-88185-143-9.