Әхтәмйәнов Ихсан Нәсибулла улы

Әхтәмйәнов Ихсан Нәсибулла улы (11 ғинуар 1932 йыл — 2000 йыл) — публицист, прозаик-документалист, шағир.

Әхтәмйәнов Ихсан Нәсибулла улы
Тыуған көнө	1932
Һөнәр төрө	журналист
Уҡыу йорто	Башҡорт дәүләт университеты
Сәйәси фирҡә ағзаһы	Советтар Союзы Коммунистар партияһы

Биографияһы

Ихсан Нәсибулла улы Әхтәмйәнов 1932 йылдың 11 ғинуарында Иглин районы Сабит ауылында тыуа. Сабит ауылы бөтөү сәбәпле, ул әсәһен Иҫке Ҡобау ауылына күсереп алып килә.

Әҙәби эшмәкәрлеге

Башҡорт дәүләт университетын тамамлағас, байтаҡ йылдар республикабыҙҙың матбуғат өлкәһендә эшләй.

Шиғри әҫәрҙәре 60-сы йылдарҙа баҫыла башлай. «Замандаштың ҡыҫам ҡулдарын» (1988) китабындағы әҫәрҙәр шиғриәттә яңы уйланыуҙар, hүрәтләү саралары күп булыуы менән айырыла.

«Төйәгемә — өйгә ашҡынамын…» шиғырында лирик герой, һағыныуын шиғыр юлдарына һалып, тыуған төйәгенә, өйөнә ашҡына. Бала саҡты, үҫмер йылдарҙы иҫкә алып, Тыуған иленә, тыуған яҡтарына булған сикһеҙ мөхәббәтен асып бирә. Ниндәй бәхет өйгә урап ҡайтыу, Ҡурайҡайың алыу ҡулыңа; Күршеләрең менән күрешеүҙәр,- Шул шатлыҡтар күсә йырыма. Тыуған яҡты күреү — был ниндәй бәхет икәнен аңлайһың. Шиғырҙағыса туған-тумасаң менән гөрләшеп самауырҙан сәй эсеү, күршеләрең менән күрешеү шундай танһыҡ. Атай йорто изге, ул йөрәк түрендә генә йөрөтөрлөк бала саҡ хәтирәһе. Ватандың кескәй сатҡыһы. «Яҙғы йыр» шиғыры Тыуған илгә, тыуған ергә ихлас һөйөү тойғолары менән һуғарылған. Яҙҙың матурлығы, йәшеллегенә һоҡланып, күңелдең яҙғы ҡояшҡа иреүен тойоп, тыуған төйәгеңә ҡайтҡанда шул тиклем рәхәт. Уның һәр бер ағасын, үләнен, күлен күреү йөрәктәге һағышты баҫа, күңелде иркәләй, ҡеүәт өҫтәй, илһам уята. Яҙ хаҡында байтаҡ яҙғанмындыр, Ләкин ҡайтһам тыуған яғыма, Илһамдарым таша даръя булып, Һәм йәнә яҙ йыры яҙыла. Тәрәндән, ер ҡуйынынан урғылып сыҡҡҡан шишмәләй, Ихсан Әхтәмйәновтың йөрәк түренән сыҡҡан шиғырҙары.

Сығанаҡтар

• Край родной — Иглинский: Очерки и материалы. Уфа: Гилем, Информреклама, 2002, стр.142
• Башҡортостан. Ҡыҫҡаса энциклопедия. Өфө: Китап, 1997 йыл
• Писатели земли башкирской. Справочник / Сост.: Р. Н. Баимов, Г. Н. Гареева, Р. Х. Тимергалина. — Уфа: Китап, 2006. — 496 с. (рус.)

Китаптары

• Әхмәтйәнов Ихсан. Замандаштың ҡыҫам ҡулдарын. Шиғырҙар. — Өфө: Башҡортостан китап нәшриәте, 1988.
• Әхтәмйәнов Ихсан Нәсибулла улы. Саҡматояҡ аттарҙа.