Һыҙғыраҡ ябалаҡ

Һыҙғыраҡ ябалаҡ
Фәнни классификация
Батшалыҡ: Хайуандар Тип: Хордалылар Суб-тип: Ҡабырғалылар Класс: Ҡоштар Суб-класс: Аңҡаулылар Отряд: Ябалаҡ һымаҡтар Ғаилә: Ябалаҡтар Ырыу: Ябалаҡтар Төр: Һыҙғыраҡ ябалаҡ
Латинса исеме
Otus scops (Linnaeus, 1758)
Ареал
ITIS 555376 NCBI 126827

Һыҙғыраҡ ябалаҡ, ҡолаҡлы ябалаҡ, бесәйбаш ябалаҡ, япалаҡ (рус. обыкновенная сплюшка , лат. Otus scops) - ябалаҡтар ырыуындағы төнгө ҡош.

Халыҡ-ара Ҡыҙыл китап Ҙур хәүеф янамай IUCN 3.1 Least Concern : / 106002176

Otus scops

Ҡылыҡһырлама

Сыйырсыҡ ҙурлыҡ. Башында ҡалҡып торған ҡауырһындарҙан ҡолаҡтары бар. Осҡанда киң оҙон ҡанаттары, ҡыҫҡа ғына ҡойроғо күҙгә ташлана. Көндөҙ ағас олонона һыйынып, ботаҡ өҫтөндә ултыра. Аҡ һәм ҡара таптар менән сыбарланған ерәнһыу һоро төҫтә, күҙҙәре һары. Үҙе ҙурлыҡ ябалаҡтарҙан ҡолаҡлы булыуы менән айырыла. Өкө ябалағынан байтаҡ бәләкәй.

Тауышы

Яңғырауыҡлы һыҙғыра: «фйү-тйү-үү».

Йәшәү рәүеше

Урманда йәшәй. Төрлө бөжәктәр, сысҡандар менән туҡлана. Күсмә ҡош. Киң генә таралған. Ояһы ағас ҡыуыштарында,һирәкләп таш ярыҡтарында, өңдәрҙә була. 2—5 бөртөк аҡ йомортҡа һала. Ҡоротҡос бөжәктәр¬ҙе һәм кимереүселәрҙе ҡырып, файҙа килтерә.

Әҙәбиәт

• Э.Ф. Ишбирҙин. Башҡортостан ҡоштары китабы. Өфө,1986 йыл. ИБ №3478 28.693.35 И 90
• Остапенко В. А. Птицы в вашем доме: Справочное пособие. — М.: Арнадия, 1996. - ISBN 5-88666-011-9