Ҡырғыҙстан байрағы
Ҡырғыҙ Республикаһының дәүләт байрағы (ҡырғ. Кыргыз Республикасынын Мамлекеттик туусу) — Ҡырғыҙ Республикаһының дәүләт символы. Ҡырғыҙ Республикаһының 1992 йылдың 3 мартындағы Жогорку Кенеш (Юғары Кәңәш) ҡарары менән раҫлана[1].
| Ҡырғыҙстан | |
|
| |
| Раҫланған | |
|---|---|
| Пропорция |
3:5 |
| Авторлыҡ коллективы | |
|
Э. Айҙарбәков, Б. Жайчыбеков, С. Иптаров, Ж. Матаев, М. Сыдыков | |
Тасуирламаһы
үҙгәртергәҠырғыҙстандың дәүләт байрағы — ҡыҙыл тура мөйөшлө туҡыма, уның уртаһында алтын төҫтәге нурҙарын (ҡырҡ нур) тигеҙ таратыусы түңәрәк ҡояш түңәрәге урынлашҡан. Ҡояш түңәрәге эсендә ҡыҙыл төҫтәге ҡырғыҙ тирмәһенең төндөгө һүрәтләнгән[2].
Мәғәнәүи йөкмәткеһе
үҙгәртергәҠырғыҙ халҡының орнаменталь мәҙәниәтендәге ҡояш яҡтылыҡты, асыҡлыҡты, йәшәү сыҙамлығын аңлата. Ялҡын теленә оҡшаш ҡырҡ нур — халыҡ булып берләшкән ҡырҡ ырыуҙы аңлата.
Төндөк — даирә шәклендәге төҙөлөш, ҡырғыҙҙарҙың "боҙ өйө"нөң (ҡырғыҙ тирмәһенең атамаһы) түбәһендә яҡтылыҡ биреүсе тәҙрә булып тора. Төндөктөң түңәрәк рамаһы ике яғы менән тәре рәүешендә тоташтырылған бирсәләрҙән тора. Төндөк күк менән ерҙе тоташтыра һәм йорт усағының билдәһе итеп ҡабул ителә. Бынан тыш, ул илдә йәшәгән бөтә халыҡтарҙың берҙәмлеген[3], шулай уҡ төрки халыҡтарҙың исламға тиклемге дине — тәңреселекте символлаштыра.
Техник спецификацияһы
үҙгәртергәҠырғыҙстан Республикаһының дәүләт байрағы һәм уның һүрәте, ҙурлығына ҡарамаҫтан, Ҡырғыҙстан президенты резиденцияһында һаҡланыусы дәүләт байрағы эталонының төҫлө һәм схемалы һүрәттәренә тап килергә тейеш. Дәүләт байрағы төҫтәре ҠР дәүләт байрағының техник спецификацияһында күрһәтелгән төҫтәргә тап килергә тейеш[4].
| Төҫө | PANTONE | CMYK | RGB | HEX |
|---|---|---|---|---|
| Ҡыҙыл | PANTONE 1788 °C | 0-100-100-0 | 255-0-0 | #ff0000 |
| Һары (алтын) | PANTONE Yellow C | 0-0-100-0 | 255-255-0 | #ffff00 |
Тарихи флагтар
үҙгәртергә-
Төркөстан АССР-ының 1919—1921 йылдарҙағы флагы -
Төркөстан АССР-ының 1921—1924 йылдарҙағы флагы -
Ҡырғыҙ АССР-ы флагы (1926—1936 йылдар) -
Ҡырғыҙ ССР-ы флагы (1938-1952 йылдар) -
Ҡырғыҙ ССР-ы флагы (1952—1991 йылдар) -
Ҡырғыҙстан флагы (1991—1992 йылдар)
-
Ҡырғыҙстан флагы (1992 йылдан)
.svg)
.svg)
.svg)
;_Flag_of_Kyrgyzstan_(1991%E2%80%931992).svg)
Шулай уҡ ҡарағыҙ
үҙгәртергәИҫкәрмәләр
үҙгәртергә- ↑ Государственные символы » Кыргызстан » Официальный сайт президента Киргизской Республики. www.president.kg. Дата обращения: 14 февраль 2018. Архивировано 14 февраль 2018 года.
- ↑ Государственные символы » Кыргызстан » Официальный сайт президента Киргизской Республики. www.president.kg. Дата обращения: 14 февраль 2018. Архивировано 14 февраль 2018 года.
- ↑ Государственная символика :: ГРС ППКР (ингл.). grs.gov.kg. Дата обращения: 14 февраль 2018. Архивировано 14 февраль 2018 года.
- ↑ 4,0 4,1 Государственная символика :: ГРС ППКР (ингл.). grs.gov.kg. Дата обращения: 14 февраль 2018. Архивировано 14 февраль 2018 года.