Юша (йылға)

Юша йылғаһы — Рәсәй, Башҡортостан Республикаһының Белорет районындағы йылғаһы. Ул Юша ауылы (станцияһы), Кәртәле ауылы янынан аға, ҙур түгел.

Юша
Ҡайҙа ҡоя	Инйәр
Һыу йыйыу бассейны	Волга бассейны[d]
Дәүләт	Рәсәй
Административ-территориаль берәмек	Башҡортостан Республикаhы
Оҙонлоҡ	11 km

Юша Инйәр йылғаһына ҡоя. Оҙонлоғо — 11 км.

Һыу объекты системаһы: Инйәр → Эҫем → Ағиҙел → Кама → Волга → Каспий диңгеҙе

Юша йылғаһы күпере

Этимологияһы

Башҡорт телендә юша һүҙенең ике мәғәнәһе бар:

1) ҡыҙыл, һары, йәшел төҫтәге балсыҡлы тау тоҡомо;

2) йүшә һүҙенең диалект варианты — Ағас башына боҙланып ҡатҡан ҡар, лүшә.

Был төбәктең балсығы ҡыҙыл икәнен хәтерҙә тотҡанда, атама тап шунан сығып бирелгәндер тип фараз итергә ҡала.

Юша атамалы объекттар

Йылға Юша һырты буйынан ағып килә. Юша атамалы тимер юл станцияһы ла бар.

Юша — туристар маршрутында

Инйәр йылғаһы яҙғы-йәйге осорҙа туристарҙы күпләп йәлеп итә. Экстрим яратыусылар бигерәк тә яҙғы ташҡында кәмә менән төшөргә ярата. Ғәҙәттә, улар маршрутты Оло Инйәр йылғаһынан башлап ҡоралар.

Бына шундай бер яҙма: «Оло Инйәр Башҡортостан Республикаһының Белорет районынан ағып үтә. Йылға Баштау, Уварея һәм Бәләтүр һырттары аша үтеп, тау йылғаһына әүерелә.

Маршруты башлаған ерҙә йылға киң түгел, әммә яйлап, ҡушылдыҡтары Юша, Һарышты йылғалары һыуын алып, киңлеге 80 метрға етә».

Һылтанмалар

• Башҡорт теленең һүҙлеге, 2 том. — Мәскәү, 1993. — 442-се бит