Шахты драма театры
«Шахты драма театры» муниципаль автономиялы мәҙәниәт учреждениеһы — Ростов өлкәһенең Шахты ҡалаһындағы рус театры. 1929 йылдан алып эшләй, хәҙерге ваҡытта Шевченко урамы, 143 адресы буйынса урынлашҡан. Шулай уҡ элекке Шахты ҡалаһының «Пласт» драма театры (1992—2006) исеме буйынса ла билдәле.
| Шахты драма театры | |
 Театрҙың төп фасады, 2009 йыл | |
| Элекке исеме |
Шахты эшселәр театры (1929—1965) |
|---|---|
| Эшләй башлаған | |
| Театр бинаһы | |
| Урынлашҡан | |
| Адресы |
Шевченко урамы, 143 |
| Телефон |
+78636227508 |
| Вместимость |
492 урын |
| Етәкселәре | |
| Директоры |
Ю. Н. Везарко |
| Баш режиссёр |
Р. Г. Родницкий |
| Ссылки | |
Тарихы үҙгәртергә
Ҡалала беренсе драма коллективтарының барлыҡҡа килеүе 1923 йылда булған тип билдәләнә. Беренсе актёр труппалары урындағы шахтерҙарҙан һәм хеҙмәткәрҙәрҙән туплана. Ваҡыт үтеү менән улар, үҙҙәренең биналары оҙаҡ йылдар дауамында булмаһа ла, профессиональ кимәлгә күтәреләләр. Тик 1929 йылда ғына Совет урамындағы иркен бинала Шахты эшселәр театры асыла. Шул ваҡыттан алып был дата уның рәсми нигеҙ һалынған йылы тип иҫәпләнә. Сухово-Кобылин Александр Васильевичтың «Кречинскийҙың туйы» спектакле беренсе ҡуйылған спектакль була. Театр район халыҡ мәғарифы бүлегендә иҫәптә тора, ләкин уның эшенең беренсе йылдары тураһында мәғлүмәт бик күп түгел.
Бөйөк Ватан һуғышы йылдарында театрҙың күп эшселәре фронтҡа һуғышҡа китә. Ҡаланы немец фашистары баҫып алырҙан алда ғына театрҙың бөтә ҡалған эшселәрен эвакуациялайҙар. Шахты театры артистары Ҡыҙыл Армияның төрлө часында, шулай уҡ госпиталдәрҙә, шахтер клубтары сәхнәләрендә спектаклдәр һәм концерттар менән сығыш яһайҙар. Миниатюра кисәләре үткәрелә, уларҙың аҙағында рояль һәм баян аҫтында бейеүҙәр ойошторола.
Һуғыштан һуңғы йылдарҙа Шахты драма театры әүҙем эшмәкәрлеген дауам итә. 1952 йылда театр Шевченко урамы, 143 адресы буйынса, Хеҙмәтләндереү һәм эшҡыуарлыҡ өлкәһе институты бинаһы менән йәнәшә, яңы бинаға күсеп сыға. 1965 йылда театрға билдәле совет драматургы Погодин Николай Фёдорович исеме бирелә. 1960—1970-се йылдарҙа уның әҫәрҙәре театр репертуарында йыш күренә. 1966—1984 йылдарҙа театрҙың художество етәксеһе вазифаһын В. И. Малашенко биләй, аҙаҡ ике йылға уны О. А. Соловьёв алмаштыра. 1986—2000 йылдарҙа ун дүрт йыл дауамында даими рәүештә театр менән М. И. Боярчук етәкселек итә. Был — театрҙың директоры вазифаһында иң оҙайлы срок. 1980-се йылдар аҙағында — 1990-сы йылдар башында театр тәү сиратта урыҫ сит ил классикаһына, балалар һәм үҫмерҙәр өсөн спектаклдәргә ориентирлаша.
1989—1994 йылдар арауығында ҡала администрацияһы һәм бер нисә шәхси инвестор ярҙамында театр бинаһында капиталь ремонт эшләнә. Шул уҡ ваҡытта театр үҙенең эшен туҡтатмай, Рәсәйҙең күп ҡалалары буйлап тамашалары менән әүҙем гастролдәрҙә йөрөй. Ремонттан һуң театр «Пласт» исеме ала. Бында өлкәнең «Дон яҙы» театр фестивале үтә башлай. 1999 йылдан башлап Шахты драма театрында режиссёр М. В. Изюмский етәкселегендә Ярослав дәүләт театр институтының актёрҙар курсы эшләй башлай. Курсты тамамлаусыларҙың бер өлөшө Шахты профессиональ актёрҙарының рәтен тулыландыра. 2000 йылда театрҙы директор Ю. Н. Везарко етәкләй. 2006 йылдан «Пласт» исеме ҡулланылмай башлай, уның урынына элекке — Шахты драма театры исеме кире ҡайтарыла. Театр оҙаҡ йылдар эшләү дәүерендә, күп тапҡыр төрлө фестивалдәр һәм конкурстарҙың дипломдары, иҫтәлекле грамоталары, рәхмәт хаттары һәм юғары исемдәр менән бүләкләнә[1][2][3][4][5].
Репертуары үҙгәртергә
2016 йылға ҡарата театр репертуарында түбәндәге спектаклдәр иҫәпләнә:
- «Tout payé, йәки бөтәһе лә түләнгән», И. Жамиак;
- «Бик ябай тарих» Ладо Мария;
- «Киләсәк быуын», В. Жеребцов;
- «Беҙҙең заман геройы», М. Ю. Лермонтов;
- «№ 13», Куни Рэй;
- «Бумбараш тураһында йыр», Ю. Ким;
- «Принц с хохлом, бельмом и горбом», Кони Фёдор Алексеевич;
- «Ҡәҙерле Памела», Д. Патрик;
- «Аҡса, аҡса, аҡса…», Лобозёров Степан Лукич;
- «Ҡунаҡ», И. Михеичев;
- «Ирекле пар», Д. Фо, Ф. Раме;
- «Эскәмйә», Гельман Александр Исаакович;
- «Бәхетем минең», Червинский Александр Михайлович;
- «Ҡыш бабайҙың һуңғы мөхәббәте», Д. Верясов;
- «Алһыу сәскә», И. Карнаухов, Л. Браусевич;
- «Нисек Үлемһеҙ Кощей Василисаға өйләнде», Ю. Богданов;
- «Һоро бүре һәм Ҡыҙыл Башлыҡ»;
- «Золушка», Перро Шарль.
Иҫкәрмәләр үҙгәртергә
- ↑ Татьяна Цуркан. Справка по истории Шахтинского театра. Шахтинский драматический театр. Дата обращения: 22 декабрь 2016. 2016 йыл 8 март архивланған.
- ↑ Шахтинский драматический театр. Шахты.ру. Дата обращения: 22 декабрь 2016.
- ↑ МАУК «Шахтинский драматический театр». Официальный сайт Департамента культуры г. Шахты. Дата обращения: 22 декабрь 2016.
- ↑ Шахтинский театр «Пласт» отмечает 75-летний юбилей. Дон-ТР (28 октябрь 2004). Дата обращения: 22 декабрь 2016.
- ↑ Вера Волошинова. Роман Родницкий: Русский театр устроен так, что за все отвечает режиссёр. Дон-Медиа (24 октябрь 2016). Дата обращения: 22 декабрь 2016.