Хөжрә

Хөжрә (урта грек. κελλίον, күпл. -ία, κέλλα, лат. сеllа — «бүлмә,солан»; бор. урыҫ. — келиɪа; рус. Ке́лья йәки ке́ллия) — монах торлағы, ғәҙәттә, монастырҙа йәки башҡа урында айырым бүлмә.

Хөжрә

Хөжрә Викимилектә

Тасуирламаһы

Рус монастырҙарында хөжрә, ҡағиҙә булараҡ, бер-ике монахлыҡ бүлмәнән ғибәрәт: өҫтәл, ултырғыс, карауат йәки ҡаты урындыҡ ҡуйыла. Монастырь хөжрәләрендә китаптар өсөн кәштәләр, шулай уҡ ҡағыҙ иконаларҙан торған индивидуаль иконостас була.

Шулай уҡ килгән кешеләргә билдәле ваҡытта дәғүәт алып барырға рөхсәт ителгән монах торлағы ла хөжрә тип аталырға мөмкин .

Яңғыҙ торған хөжрә урыҫса Пустынька тип атала.

Мәҙрәсә. Уңда - хөжрәләр күренә. Исфаһан. Иран

Ислам

Исламда бындай бүлмәләр хөжрә тип атала, улар мәҙрәсәләрҙә һәм суфыйҙар йәшәгән хәнәкәләрҙә урынлаша. Хәнәкәләр, ғәҙәттә, тура мөйөшлө ҡоролмаға (Патио (эске ихата) йә ҙур көмбәҙле залға әүерелгән) ғибәҙәт ҡылыу, зекер һәм «сама» кеүек дәрүиш йолалары өсөн файҙаланыла. Зекерханалар тирәләй уратып хөжрәләр урынлаша.

Афон

Афонда шулай уҡ монастырҙарға буйһонған һәм сиркәү төкәтеп һалынған, төрлө хужалыҡ биләмәләре булған иҫке ҡаралтынан торған ҙур булмаған скиттар ҙа келлия тип атала. Бындай келлияла ғәҙәттә ике монах йәшәй, уларҙың береһе — ҡарт (старец), ә икенсеһе — өйрәнеүсе (послушник). Оло кеше вафат булғас, тыңлаусы мәрхүм монахтың урынын һәм бөтә мөлкәтен мираҫ итеп ала. Ҡайһы ваҡыт келья часовняһы булған өс ҡатлы һарайҙан ғибәрәт булыуы ихтимал (ур. Андреевский скит)

Һылтанмалар

• Алыҫ мәмерйәләрҙә хөжрәләрҙең өс үлсәмле панорамаһы Святогорский лавраһы.