Хәлисов Нәсих Хөббөтдин улы
Хәлисов Нәсих Хөббөтдин улы, Халисов Насих Хуббутдинович (12 апрель 1957 йыл) — Башҡортостандың билдәле рәссамы, фоторәссам. 1989 йылдан СССР Журналистар союзы ағзаһы. Рәсәй Федерацияһының атҡаҙанған мәҙәниәт хеҙмәткәре (2015)[1], Башҡортостан Республикаһының атҡаҙанған матбуғат һәм киң мәғлүмәт хеҙмәткәре (2006).
| Хәлисов Нәсих Хөббөтдин улы | |
 | |
| Тыуған: | |
|---|---|
| Тыуған урыны: | |
| Уҡыған урыны: | |
| Наградалары: |
 |
Биографияһы
үҙгәртергәНәсих Хөббөтдин улы Хәлисов 1957 йылдың 12 апрелендә Башҡорт АССР-ының Әбйәлил районы Ишбулды ауылында тыуған. Үҙ ауылдарында башланғыс синыфтарҙа, артабан Хәлил урта мәктәбендә, 1971 йылдан Өфөләге республика урта сәнғәт мәктәп-интернатында уҡый. 1981 йылда Башҡорт дәүләт педагогия институтының (хәҙер М. Аҡмулла исемендәге Башҡорт дәүләт педагогия университеты) сәнғәт һәм графика факультетын «һыҙым, рәсем һәм хеҙмәт уҡытыусыһы» һөнәре алып тамамлай һәм хеҙмәт эшмәкәрлеген үҙе уҡыған мәктәп-интернатта махсус фәндәр буйынса уҡытыусы булып башлай. 1981—1983 йылдарҙа Совет Армияһы сафында хәрби хеҙмәттә була. Запасҡа ҡайтарылғас, хеҙмәтен Өфө ҡалаһында 18-се йорттар идаралығында педагог—ойоштороусы булып дауам итә.
1987 йылда «Башҡортостан ҡыҙы» журналы редакцияһына баҫманың биҙәлеш мөхәррире итеп эшкә саҡырыла һәм был вазифаны 1998 йылға тиклем уңышлы башҡара. Артабан «Башҡортостан» гәзите редакцияһына рәссам булып күсә, 1998 йылдан — гәзиттең фотохәбәрсеһе һәм биҙәлеш мөхәррире[2].
Ижади эшмәкәрлеге һәм ҡаҙаныштары
үҙгәртергәХеҙмәтендәге уңыштары һәм ижади ҡаҙаныштары өсөн Нәсих Хәлисов 2001 йылда Башҡортостан Республикаһы Матбуғат һәм киң мәғлүмәт министрлығының маҡтау грамотаһы менән бүләкләнә, 2006 йылда уға «Башҡортостан Республикаһының атҡаҙанған матбуғат һәм киң мәғлүмәт хеҙмәткәре», 2015 йылда — «Рәсәй Федерацияһының атҡаҙанған мәҙәниәт хеҙмәткәре» тигән маҡтаулы һәм юғары исемдәргә лайыҡ була[1][3][4]. Бынан тыш ул күп һанлы ижади конкурстар еңеүсеһе.
Күргәҙмәләре
үҙгәртергәНәсих Хәлисов баш ҡалала дүрт шәхси фотокүргәҙмәһен ойошторған, шул иҫәптән:
Ижади еңеүҙәре
үҙгәртергә- Нәсих Хәлисов эшләгән түбәндәге эмлемалар республика конкурстарында еңеү яуланы:
Маҡтаулы исемдәре һәм башҡа бүләктәре
үҙгәртергә- Рәсәй Федерацияһының атҡаҙанған мәҙәниәт хеҙмәткәре (2015)[1][6]
- Башҡортостан Республикаһының атҡаҙанған матбуғат һәм киң мәғлүмәт хеҙмәткәре (2006)
- Башҡортостан Республикаһы Матбуғат һәм киң мәғлүмәт министрлығының маҡтау грамотаһы (2001)
Уның тураһында
үҙгәртергә- Усманов Я. Рәссамға ҡармаҡ нимәгә? «Башҡортостан» гәзите , 2015, 23 октябрь[5].
- Әһлиуллина А. «Яратҡан эштең ауыры булмай». «Башҡортостан» гәзите, 2015, 24 апрель[6].
- «Башҡортостандар». «Хеҙмәттәшебеҙ йәнә һөйөндөрҙө». «Башҡортостан» гәзите, 2015, 1 апрель[4].
Иҫкәрмәләр
үҙгәртергә- ↑ 1,0 1,1 1,2 1,3 СПИСОК награжденных (рус.)
- ↑ «Башҡортостан» гәзите сайты. Редакция 2014 йыл 24 декабрь архивланған.
- ↑ Рөстәм Хәмитов Рәсәйҙең һәм Башҡортостандың дәүләт наградаларын тапшырҙы
- ↑ 4,0 4,1 «Башҡортостан» гәзите, 2015, 1 апрель(недоступная ссылка)
- ↑ 5,0 5,1 «Башҡортостан» гәзите, 2015, 23 октябрь(недоступная ссылка)
- ↑ 6,0 6,1 «Башҡортостан» гәзите, 2015, 24 апрель(недоступная ссылка)
Һылтанмалар
үҙгәртергә- «Башҡортостан» гәзите сайты. Редакция 2014 йыл 24 декабрь архивланған.
- СПИСОК награжденных(недоступная ссылка)
- «Ҡыҙыл таң» гәзите, 2015, 25 апрель 2016 йыл 14 март архивланған.