Таҡыя турғай

Таҡыя турғай
Фәнни классификация
Батшалыҡ: Хайуандар Тип: Хордалылар Класс: Ҡоштар Отряд: Турғай һымаҡтар Ғаилә: Алаҡас турғай һымаҡтар Ырыу: Ҡупшыҡайҙар Төр: Таҡыя турғай
Латинса исеме
Carduelis flammea (Linnaeus, 1758)
Синонимдар
Acanthis flammea
ITIS 179230 NCBI 54769

Таҡыя турғай (рус. Обыкновенная чечетка, лат. Carduelis flammea) — ҡупшыҡайҙар ғаиләһендәге ҡошсоҡ.

Acanthis flammea

Халыҡ-ара Ҡыҙыл китап Ҙур хәүеф янамай IUCN 3.1 Least Concern : / 150738

Ҡылыҡһырлама

Таҡыябаш, ҡыҙылбаш турғай. Турғайҙан бәләкәйерәк. Күмәкләшеп йөрөйҙәр, һырты һорғолт көрән, ҡара таптар менән сыбарланған. Ҡорһағы аҡ. Түбәһе һәм маңлайы ҡыҙыл. Ҡабырғалары көрән буй һыҙыҡлы. Ата ҡоштоң түше-ҡыҙыл, инәһенеке аҡ сыбар. Киндер турғайынан арҡаһы һоро һәм ҡойроғо һыҙыҡһыҙ ҡара булыуы менән айырыла.

Тауышы

Тауышы яңғырауыҡлы: «си-сит-си-сит» һәм «пи-йү-ии» сырылдап һайрай.

Йәшәү рәүеше

Һирәк ағаслы урмандарҙа, ҡыуаҡтарҙа йәшәй. Үлән һәм ағас орлоҡтары, бөжәктәр ашай. Йылы яҡҡа китмәй, бер урындан икенсе урынға күсеп йөрөй, һирәк осрай. Ағаста һәм ҡыуаҡта, һирәкләп таш ярыҡтарында оялай. Көрән таплы 4—5 бөртөк зәңгәр йомортҡа һала.

• 
  Carduelis flammea flammea
• 
  Carduelis flammea cabaret

Әҙәбиәт

• Э. Ф. Ишбирҙин. Башҡортостан ҡоштары китабы. Өфө,1986 йыл. ИБ № 3478 28.693.35 И 90
• Остапенко В. А. Птицы в вашем доме: Справочное пособие. — М.: Арнадия, 1996. — ISBN 5-88666-011-9