Социаль мәғлүмәт агентлығы

АНО «Социаль мәғлүмәт агентлығы» — Рәсәй мәғлүмәт агентлығы, социаль яуаплылыҡлы граждандар эшмәкәрлеген яҡтыртыуға йүнәлтелгән. 1994 йылдан Мәскәүҙә автоном коммерция булмаған ойошма булып эшләй, журналист Елена Тополева-Солдунова етәкләй. Граждандарҙың һәм коммерция булмаған ойошмаларҙың, хәйриә фондтарының, социаль эшҡыуарҙарҙың эштәре тураһында мәғлүмәт йыйнай һәм баҫтырып сығара, ошо өлкәлә Рәсәйҙә иң тәүҙә барлыҡҡа килгән һәм иң эре мәғлүмәт агентлығы һанала[1][2].

Социаль мәғлүмәт агентлығы
Нигеҙләнгән

24 октябрь 1994

Тел

урыҫ теле

Веб-сайт

asi.org.ru

ТарыхыҮҙгәртергә

1994 йылдың 24 октябрендә Мәскәүҙә «Душа человека» һәм «Нет алкоголизму и наркомании» фондтары, «Радуга» педагогик ойошма һәм йәмәғәт эшмәкәре Елена Тополева-Солдунова ярҙамы менән барлыҡҡа килә[3][4].

Әгәр тәүҙә «Социаль мәғлүмәт агентлығы» коммерция булмаған ойошмалар һәм киң мәғлүмәт сараларын яҡтыртһа, 2013 йылдан башлап социаль эшҡыуарлыҡты яҡтырта башлай[5]. 2014 йылда агенлыҡ «Беҙҙең киләсәк» төбәк социаль программалар Фонды ойошторған бөтә Рәсәй «Яҡшылыҡ импульсы» премияһын ала, «Социаль эшҡыуарлыҡты үҫтереүҙә лидер» номинацияһында еңә[6]. «Социаль мәғлүмәт агентлығы» социаль эшҡыуарлыҡ субъекты булып тора, сөнки үҙенең эшмәкәрлеге менән социаль әһәмиәтле мәсьәләрҙе хәл итә, коммерция булмаған ойошмаларҙың эшмәкәрлегенә һәм социаль мөһим бизнесҡа мәғлүмәти ярҙам күрһәтә[7].

«Новый бизнес» порталы фекеренсә, «Социаль мәғлүмәт агентлығы» Рәсәйҙә гражданлыҡ йәмғиәтен үҫтереү өлкәһендә иң мәғлүмәти структура булып тора[2].

ЭшмәкәрлегеҮҙгәртергә

Ойошманың төп эшмәкәрлеге яңылыҡтар һәм аналитик материалдар сығарыу. Агентствоның хеҙмәткәрҙәре социаль ойошмаларға PR-хеҙмәттәр күрһәтәләр, регуляр рәүештә тематик семинарҙар һәм тренингтар үткәрәләр.

ИҫкәрмәләрҮҙгәртергә

  1. М. Федотов. Совет по развитию гражданского общества и правам человека поздравляет «Агентство социальной информации» с 20-летием!. Совет при Президенте Российской Федерации по развитию гражданского общества и правам человека (2014-10-24). 6 июнь 2015 тикшерелгән.
  2. 2,0 2,1 Тополева-Солдунова Елена Андреевна. Новый бизнес. 6 июнь 2015 тикшерелгән.
  3. АНО «Агентство социальной информации». Лаборатория социальной рекламы. 6 июнь 2015 тикшерелгән.
  4. Наталья Прокина. Елена Тополева-Солдунова. Опора-Кредит. 6 июнь 2015 тикшерелгән.
  5. Елена Тополева-Солдунова. Важная причина прожить следующие 20. Агентство социальной информации (2014-10-24). 6 июнь 2015 тикшерелгән.
  6. «Импульс добра» 2014. Беҙҙең киләсәк (фонд). 6 июнь 2015 тикшерелгән.
  7. Социальные предприниматели России. Ресурсный центр поддержки социального предпринимательства. 6 июнь 2015 тикшерелгән.

ҺылтанмаларҮҙгәртергә