Сафин Франгил Шири улы

Сафин Франгил Шири улы (10 ғинуар 1950 йыл) — табип. 2000—2005 йылдарҙа Салауат район үҙәк дауаханаһының баш табибы, 2005—2014 йылдарҙа Мотлаҡ медицина страховкаһы Башҡортостан территориаль фондының Нефтекама филиалы директоры. 2014 йылдан Нефтекаманың 1-се поликлиникаһы табибы, бер үк ваҡытта «Торос» хоккей клубының медицина хеҙмәте етәксеһе. Башҡортостан Республикаһының атҡаҙанған табибы (2005).

Сафин Франгил Шири улы

Биографияһы

Франгил Шири (Ширияздан) улы Сафин 1950 йылдың 10 ғинуарында Башҡорт АССР-ының Салауат районы 2-се Иҙелбай ауылында тыуған.

Иҙелбай һигеҙ йыллыҡ мәктәбенән һуң уҡыуын Өфөләге 1-се интернат-мәктәптә дауам итә.

Башҡорт дәүләт медицина институтын 1974 йылда тамамлай.

Оҙаҡ йылдар Ҡалтасы районында табип булып эшләгәндән һуң, 1999 йылда Салауат район дауаханаһына — Малаяҙ үҙәк больницаһына ҡайта.

Маҡтаулы исемдәре һәм башҡа бүләктәре

• Башҡортостан Республикаһының атҡаҙанған табибы (2005)

Әҙәбиәт

• Земля салаватская, земля батыра. Уфа, Гилем, 2010, стр. 314—315.