Парфёнова Светлана Рәфәт ҡыҙы

Парфёнова Светлана Рәфәт ҡыҙы - - (25 октябрь 1960 йыл) — йәмәғәт эшмәкәре, юғары мәктәп уҡытыусыһы. Башҡортостан Республикаһының 1-се, 2-се саҡырылыш Дәүләт Йыйылышы — Ҡоролтайҙың Закондар сығарыу Палатаһы депутаты. Юридик фәндәр кандидаты, Башҡорт дәүләт университетының философия һәм социология факультетының философия һәм социология кафедраһы доценты . Башҡортостан Республикаһының 1 класлы Дәүләт советнигы.

Парфёнова Светлана Рәфәт ҡыҙы
Зат	ҡатын-ҡыҙ
Гражданлыҡ	Рәсәй
Тыуған урыны	Өфө
Һөнәр төрө	сәйәсмән, университет уҡытыусыһы

Парфенова Светлана Рәфәт ҡыҙына «Башҡортостан Республикаһы төҙөлөүгә 100 йыл» юбилей миҙалы тапшырыу

Биографияһы

Парфёнова Светлана Рәфәт ҡыҙы 1960 йылдың 25 октябрендә Өфө ҡалаһында донъяға килгән.

1985-1988 - статистик, ВЛКСМ-дың Өфө ҡалаһындағы төрлө райкомдары комсоргы.

1988-1991 - ВЛКСМ-дың Өфө ҡала комитеты студенттар һәм уҡыусы йәштәр бүлеге мөдире урынбаҫары.

1991-1992 - Өфө ҡала башҡарма комитетының йәштәр эштәре буйынса идаралыҡ начальнигы.

1992-1995 - Өфө ҡалаһы хакимиәтенең йәштәр эштәре буйынса Баш идаралығы гуманитар мәсьәләләр буйынса начальнигы.

1995-1999 - Башҡортостан Республикаһы Дәүләт Йыйылышы — Ҡоролтайҙың Закондар сығарыу Палатаһы депутаты; мәғариф, фән, мәҙәниәт, туризм һәм йәштәр эштәре буйынса комитеты ағзаһы.

1999-2003 - Башҡортостан Республикаһы Дәүләт Йыйылышы — Ҡоролтайҙың Закондар сығарыу Палатаһы депутаты; урындағы власть мәсьәләләре, милләттәр эштәре, йәмәғәт һәм дини берләшмәләр, киң мәғлүмәт саралары буйынса комитет ағзаһы.

2003 йылдан - Башҡортостан Республикаһы юстиция министры урынбаҫары.

Күп ғилми мәҡәләләр, монографиялар авторы .

Маҡтаулы исемдәре һәм наградалары

• Башҡортостан Республикаһы Дәүләт Йыйылышы — Ҡоролтайҙың Почет грамотаһы.
• ВЛКСМ Үҙәк Комитетының "Хеҙмәт батырлығы" билдәһе
• СССР Халыҡ мәғарифы министрлығының почет грамотаһы
• «Башҡортостан Республикаһы төҙөлөүгә 100 йыл» юбилей миҙалы (2019)

Сығанаҡтар

• Парфёнова Светлана Рафатовна// Парламентаризм в Башкортостане: история и современность. — Т. 2. — Уфа, 2005.

Һылтанмалар

Парфенова Светлана Рафатовна