Нефть һәм газ сәнәғәте хеҙмәткәрҙәре көнө

Нефть һәм газ сәнәғәте хеҙмәткәрҙәре көнө (Нефть, газ һәм яғыулыҡ сәнәғәт хеҙмәткәрҙәре көнө, нефтселәр көнө) — нефть һәм газ сәнәғәте тармағында эшләүселәрҙең һөнәри байрамы, һәр йылда сентябрь айының беренсе йәкшәмбеһендә билдәләнә.

Нефть һәм газ сәнәғәте хеҙмәткәрҙәре көнө — сентябрҙең беренсе йәкшәмбеһе

Тарихы

Байрам СССР Юғары Советы Президиумы тарафынан Көнбайыш Себер нефть-газ потенциалын уңышлы үҙләштереү һәм 1964 йылда уҙғарылған Ватан нефть һәм газ сәнәғәтенең йөҙ йыллығы уңайынан 1965 йылдың 28 авгусында булдырылған.

Артабан СССР Юғары Советы Президиумының 1980 йылдың 1 октябрендәге № 3018-X «Тантаналы һәм иҫтәлекле даталар тураһында» Указы, СССР Юғары Советы Президиумының 1988 йылдың 1 ноябрендәге № 9724-XI «Байрам көндәре һәм иҫтәлекле даталары тураһында ғәмәлдәге СССР закондар йыйылмаһына үҙгәрештәр индереү тураһындағы» Указы редакцияһында байрам көнө үҙгәрешһеҙ ҡалдырыла.

Был һөнәри байрамды шулай уҡ билдәләйҙәр:

• Әрмәнстан
• Беларусь
• Ҡаҙағстан
• Ҡырғыҙстан
• Молдова
• Рәсәй Федерацияһы
• Украина

Шулай уҡ ҡарағыҙ

• Шахтер көнө
• Геолог көнө

Һылтанмалар

• День работника нефтяной и газовой промышленности — һөнәри байрамды булдырыу мәсьәләһен әҙерләүҙә ҡатнашҡан Н. М. Ерониндың мәҡәләһе. (рус.)