На земле Салавата (гәзит)

«На земле Салавата» Салауат районының урыҫ телендә сыҡҡан ижтимағи-сәйәси гәзите.

«На земле Салавата»
Тип	Салауат районының ижтимағи-сәйәси баҫмаһы

Ойоштороусылары

Башҡортостан Республикаһының Матбуғат һәм киң мәғлүмәт саралары агентлығы, редакция коллективы.

Тарихы

Салауат районының үҙәге Малаяҙҙа аҙнаһына 2 тапҡыр урыҫ телендә сыға. 1935 йылдың майынан башҡорт телендә «Большевистик колхозға», 1936 йылдан алып урыҫ телендә «Совхозный рабочий» («Совхоз эшсеһе»; 1939 йылға тиклем); 1941 йылдан — башҡорт телендә «Большевик», 1953 йылдан — «Октябрь юлы» исеме менән нәшер ителә; 1959 йылдан урыҫ телендә «Путь Октября» («Октябрь юлы»)исеме менән яңынан нәшер ителә башлай, 1962 йылдан алып урыҫ телендә «Ленинское знамя» һәм башҡорт телендә «Ленин байрағы».

1991 йылдан исеме «На земле Салавата» итеп үҙгәртелә һәм 1996 йылға тиклем башҡорт телендә туранан-тура тәржемә булған «Салауат ерендә» гәзите менән бергә урыҫ телендә нәшер ителә. «Салауат ерендә» гәзите башҡорт телендәге үҙ аллы «Йүрүҙән» исемле гәзиткә әйләнгәндән һуң, «На земле Салавата» урыҫ телендә нәшер ителеүсе үҙ аллы баҫма булып ҡала.

Редакторҙары

• Еникеев
• Ғафаров Хатмулла Абдулла улы, Башҡорт АССР-ының атҡаҙанған матбуғат һәм киң мәғлүмәт хеҙмәткәре.
• Хатымов Дамир Абдрахман улы
• Әхмәтйәнов Илгиз Мөхәмәҙи улы

Сығанаҡтар

На земле Салавата (гәзит) // Башҡорт энциклопедияһы. — Өфө: БР ДАҒУ «Башҡорт энциклопедияһы», 2015—2024. — ISBN 978-5-88185-143-9.