Мурясова Әлфиә Әхәт ҡыҙы
Әлфиә Әхәт ҡыҙы Мурясова (фамилия Хасанова; 3 октябрь 1988, Өфө) — Рәсәй еңел атлеты, чемпион һәм Рәсәй Кубогына эйә булыусы. Оҙон һәм уртаса дистанцияла шөғөлләнә (1500 м, 5000м). Рәсәйҙең спорт мастеры (2009).
| Мурясова Әлфиә Әхәт ҡыҙы | |
| Зат | ҡатын-ҡыҙ |
|---|---|
| Тыуған көнө | 3 октябрь 1988 (35 йәш) |
| Тыуған урыны | Өфө, СССР |
| Һөнәр төрө | спортсы |
Биография үҙгәртергә
Мурясова Әлфиә Әхәт ҡыҙы еңел атлетика буйынса 21-се үҫмерҙәр балалар спорт мәктәбе һәм Башҡорт физик культура институты тәрбиәләнеүсеһе. Башҡортостан һәм «Динамо» спорт йәмғиәте өсөн сығыш яһай, шулай уҡ Мәскәү өлкәһе өсөн сығыш яһаған. Тренеры — Арефьев Виталий Степанович.
2013 йылда 5000 метрлыҡ дистанцияла 15:20.42 һөҙөмтә менән Рәсәй кубогы еңеүсеһе була. 2012 йылда 1500м дистанцияла Рәсәй чемпионатында командалар ярышында икенсе урынды яулай [1] һәм 2012 йылда бинала еңел атлетика буйынса Рәсәй чемпионатында 1500 м дистанцияла бронза миҙал ала. 2011 йылда 5000 м йүгереүҙә Рәсәй чемпионатының бронза призеры була.
2014 һәм 2016 йылдарҙа 4×1500 м эстафетала Башҡортостан йыйылма командаһы составында Рәсәй чемпионы була. 2009 һәм 2010 йылдарҙа был дисциплина икенсе була, ә 2017 йылда өсөнсө урынды яулай[2].
Халыҡ-ара ярыштарҙа ҡатнаша. Универсиадала өс тапҡыр, шул иҫәптән Ҡазанда Универсиада-2013 5000 м дистанцияла йөүгерә әммә финишҡа барып етмәй[3]. Йәштәр һәм юниорҙар араһында кросс буйынса команда зачетында (2006, 2007, 2009, 2010) Европа чемпионатының дүрт тапҡыр көмөш призёры була.
2012 йылға тиклем Хәсәнова фамилияһы аҫтында сығыш яһай. Рәсәй Эске эштәр министрлығының Өфө юридик институтында уҡый, 2016 йылдағы мәғлүмәт буйынса, полиция капитаны дәрәжәһен йөрөтә[4].
Иҫкәрмәләр үҙгәртергә
- ↑ Башкирские легкоатлеты Егор Николаев и Альфия Мурясова завоевали медали в Сочи 2018 йыл 12 ғинуар архивланған.
- ↑ ЭСТАФЕТНЫЙ БЕГ: ИТОГИ
- ↑ Универсиада — 2013. Альфия Мурясова из-за травмы сошла с финальной дистанции 2018 йыл 12 ғинуар архивланған.
- ↑ Башкирия. Служебный биатлон среди силовых ведомств
Һылтанмалар үҙгәртергә
- Профиль на сайте rusathletics.com (Мурясова) 2020 йыл 12 ғинуар архивланған.
- Профиль на сайте rusathletics.com (Хасанова) 2020 йыл 12 ғинуар архивланған.