Монтаһиров Александр Әбүбәкир улы

Монтаһиров Александр Әбүбәкир улы (21 май 1955 йыл) — СССР һәм Рәсәй балет артисы, педагог-балетмейстер. РСФСР-ҙың халыҡ артисы (1989).

Монтаһиров Александр Әбүбәкир улы
Зат	ир-ат
Тыуған көнө	21 май 1955({{padleft:1955|4|0}}-{{padleft:5|2|0}}-{{padleft:21|2|0}}) (68 йәш)
Тыуған урыны	Первоуральск, Свердловск өлкәһе, РСФСР, СССР
Һөнәр төрө	уҡытыусы
Уҡыу йорто	Силәбе дәүләт мәҙәниәт институты

Биографияһы

Монтаһиров Александр Әбүбәкир улы 1955 йылдың 21 майында Свердловск өлкәһе Первоуральск ҡалаһында тыуған. 8 йәшендә цирк студияһына яҙыла, әммә бер йыл үткәс балет студияһына күсә, бында уның бейеүгә һәләте асыла.

1973 йылда Пермь хореография училищеһын (уҡытыусыһы И. И. Плахт) тамамлай һәм Силәбе опера һәм балет театры труппаһына ҡабул ителә. Уның тәүге башҡарылған партиялары: Рыбник («Тиль Уленшпигель», 1976, балетмейстер В. Н. Бутримович), Адам («Сотворение мира»/«Донъяның яралыуы», 1978, В. Н. Бутримович), Остап Бендер («Двенадцать стульев»/«Ун ике ултырғыс», 1986, балетмейстер А. Б. Петров). Башҡа партиялары: Альберт; Зигфрид һәм Ротбарт; Базиль; Касым («Материнское поле»/«Әсә яланы»), Ржевский («Гусарская баллада»/«Гусар балладаһы»); Ромео һәм Меркуцио; Модест Петрович һәм Артынов («Анюта»), Альфред («Дама с камелиями»/«Ханым камелиялар менән»). Монтаһиров 1995 йылға тиклем балеттың солисы булып ҡала. «Русский балет» энциклопедияһында раҫланыуынса, «тәбиғи булмышының йомартлығы Монтаһировҡа романтик пландағы, шулай уҡ гротеск-комедия партияларҙы ла бейергә мөмкинлек бирә».

1988—1991 йылдарҙа Монтаһиров Силәбе опера һәм балет ҡарамағындағы балет студияһы менән етәкселек итә, 1995—2002 йылдарҙа Силәбе театры балет труппаһының художестволы етәксеһе була. 2002 йылда Мәскәү дәүләт мәҙәниәт һәм сәнғәт университетының Ханты-Мансийск филиалында хореография кафедраһын етәкләй башлай.

Ғаиләһе

Ҡатыны — балет артисы. Улы — Вадим Монтаһиров (инг.)баш. (1990 й.) — Англия Милли балетының төп бейеүселеренең береһе. Ҡыҙы — Силәбе опера һәм балет театры солисы.