Мила Гойсалич (хорв. Mila Gojsalić, Костанье, ? — Подградач (Гата), 1530) — ыҙа сигеүсе һәм хорват халҡы героиняһы. Михаил Девлеткамов уны «Хорват Юдифы», ә Иван Мештрович «Полица кенәзлегенең легендар ҡыҙы» тип атаған.

Мила Гойсалич
Рәсем
Зат ҡатын-ҡыҙ
Тыуған көнө XVI быуат
Вафат булған көнө 1530

Биографияһы үҙгәртергә

Мила Гойсалич Далматин Загорьеһының Костанье ауылынан. Традицияға ярашлы, ул хорват короле Гоиславтың алыҫ нәҫеле тип һанала[1]. Гойсалич фамилияһы (Гоесалич) Полица статутында кенәз фамилияһы булараҡ телгә алына.

Мила Гойсалич Полица республикаһы һәм Ғосман батшалығы араһында көрәш ваҡытында йәшәй. 1530 йылда төрөк пашаһы Әхмәт, 10 меңлек ғәскәре менән, Полицаны оккупациялай һәм Подграц сигендә (Podgrac, Podgrađe) табор булып урынлаша. Паша урындағы хорват ҡатын-ҡыҙҙарын сексуаль ҡоллоҡта тоторға ниәтләй. Мила Гойсалич Әхмәт-паша сатырына эләгер өсөн ғиффәтлелеге менән фиҙа ҡыла. Уңайлы мәлде көтөп, ул дары һәм боеприпастар келәтен һәм бергә үҙен дә, Әхмәт-пашаны ла һәм уның ғәскәрен дә юҡ итеп, шартлата. Төрөк көстәренең ҡалдыҡтарын Полица яланында Полица кешеләре юҡ итә.

Хәтер үҙгәртергә

Иван Мештрович Омиш ҡалаһында уның һынын яһай, ә Яков Готовац уның хөрмәтенә опера ижад итә. Август Шеноа уның тураһында повесть яҙа.

Сығанаҡтар үҙгәртергә

  1. Prosperov Novak, Slobodan MILA GOJSALIĆ: Zašto je prešućena poljička Jeanne d'Arc (29 сентябрь 2007). Дата обращения: 21 декабрь 2010.