Башҡортостан Республикаһының Әхмәтзәки Вәлиди исемендәге Милли китапханаһы

БАССР-ҙың Үҙәк фәнни китапханаһы

1921 йылда Өфөлә Үҙәк ғилми китапхана булараҡ төҙөлә. Эшләй башлағанда 17 мең ярым тирәһе китап иҫәпләнгән. Һуңыраҡ ул Үҙәк мосолман китапханаһын, бер ни тиклем ваҡыт уҙғас, Максим Горький исемендәге Үҙәк китапхананы үҙенең ҡанаты аҫтына ала, ә инде 1936 йылда республика статусына күтәрелә, һәм Надежда Крупская исемен йөрөтә. Уҙған быуаттың 80-се йылдарында Республика балалар китапханаһы менән Республика үҫмерҙәр китапханаһын да уға ҡушалар. 1992 йылда Башҡортостандың Милли китапханаһы итеп үҙгәртелә һәм уға Әхмәтзәки Вәлиди исеме бирелә. Адресы: Өфө ҡалаһы, Ленин урамы, 4.