Төньяҡ Македонияла ислам

Төньяҡ Македонияла ислам — ислам диненең Төньяҡ Македония Республикаһында таралышы. Төньяҡ Македония мосолмандары дине башлыса исламдың сөнни йүнәлешенә ҡарай. 2002 йылғы йән иҫәбен алыу мәғлүмәттәренә ярашлы, республикала яҡынса 674 мең мосолман йәшәй, был ил халҡының 33,3 процентын тәшкил итә.

Тарихы

Тетовола Шарен мәсете. 1438 йылда төҙөлгән.

Хәҙерге Македония Республикаһы территорияһында XIV—XV быуаттарҙа Ғосман империяһы киңәйеүе менән бергә ислам дине ныҡ таралыу ала башлай. Урта быуат Сербияһы Ғосман империяһына ҡушылғандан һуң, ислам динен халыҡтың яртыһы тиерлек тота. Күп кенә славяндар, сиғандар һәм албандар ислам динен ҡабул итә, шулай уҡ бында көнсығыштан төрөктәр һәм башҡа мосолман халыҡтары күсеп килә.

XIX быуатта көньяҡ славяндарҙың Ғосман империяһы хакимлығынан азат ителеүе барышында күп кенә мосолмандар Македония ташлап китергә мәжбүр була, шулай ҙа албан халҡының тәбиғи артымы мосолмандар һанын тулыландыра.

Иҫәбе

1904 һәм 1961 йылдар араһында республикала мосолмандар кәмеһә лә, артабан диндарарҙар арта башлай һәм 2002 йылда улар халыҡтың 33,33 процентынына етә.

Йыл	Мосолмандарҙың иҫәбе	Мосолмандарҙың өлөшө
1904	634 000	36,76 %
1912	384 000	33,47 %
1921	269 000	31,43 %
1948	314 603	27,29 %
1953	388 515	29,78 %
1961	338 200	24,05 %
1971	414 176	25,14 %
1981	546 437	28,62 %
1991	611 326	30,06 %
1994	581 203	30,04 %
2002	674 015	33,33 %

Македония мосолмандарының этник составы

Урыны	Милләте	Иҫәбе
1	Албандар	509,083
2	Төрөктәр	77,959
3	Сиғандар	53,879
4	Македондар	40,000-100,000
5	Босняктар	17,018