Күмертау флагы

Күмертау ҡалаһы ҡала огругы флагы 2006 йылдың 21 сентябрендә раҫланған һәм Рәсәй Федерацияһы геральдика реестрында 3237-се һан менән теркәлгән.

« Күмертау ҡалаһы»
ҡала округы флагы

Күмертау
Башҡортостан Республикаһы Рәсәй
Раҫланған	21 сентябрь 2006
Пропорция	2:3
ДГР номеры	3237
Флагтың авторы	Салауат Ғиләжетдинов

Тасуирлама

Флаг тура мөйөшлө, арҡырынан буйға 2:3 нисбәтендә, өс вертикаль һары, күк, һары һыҙаттан тора (һәр таҫманың киңлеге таҫма оҙонлоғоноң 1/6 дәүмәле). Урталағы күк таҫмала флаг һабы яғына ҡараған һәм ҡанаттарын йәйгән һары төҫтәге ыласын-сапсан һыны.

Символиканың аңлатмаһы

Флаг ҡала гербы нигеҙендә эшләнгән. Символдар Күмертау ҡалаһының тарихин, географик һәм социаль-иҡтисади үҙенсәлектәрен сағылдыра һәм Бабай һоро күмер ятҡылығын асыу һәм эшкәртеү менән бәйле.

Флаг уртаһында һүрәтләнгән ыласын-сапсан ҡала төҙөлгән башҡорт далаларын символик һүрәтләй. Ыласын-сапсан образы шулай уҡ ҡалала авиатөҙөлөштөң үҫешен, юғары ынтылышын һәм күмертауҙарҙың ниәтен кәүҙәләндерә..

Алтынһыу (һары) төҫ — ҡеүәт, миһырбанлылыҡ, абруй, байлыҡ символы.

Зәңгәрһыу төҫ — камиллыҡ, йомартлыҡ, тыныслыҡҡа ынтылыу.