Кошице зоопаркы

Кошице зоопаркы
	Кошице зоопаркы
Нигеҙләү датаһы	1979
Дәүләт	Словакия
Административ-территориаль берәмек	Кошице
Рәсми сайт	zookosice.sk
	Кошице зоопаркы Викимилектә

Кошице зоопаркы^[1] (башҡа исемдәр: Кошицела зоология паркы. Кошицела парк, словак.ZOO Košice, словак. Záhrada Košická zoologická^[2]) — 288 гектар майҙанда урынлашҡан ҡалала зоология паркы. Майҙанының күләме буйынса Словакияла иң ҙур зоопарк булып тора.

Зоопарк 1979 йылда төҙөлә башлай, әммә килеүселәр өсөн 1986 йылда ғына асыла, шул ваҡытта уның майҙаны 7 гектар тәшкил итә, зоопаркта карпат фаунаһы вәкилдәренең 23 төрөн күрергә мөмкин. Әлеге ваҡытта 230-ҙән ашыу хайуан төрө йәшәй. Бында Словакияла иң ҙур вольер һәм Үҙәк Европа зоопарктарының араһында һоро айыуҙарҙың иң ҙур йәшәү территорияһы бар. 2002 йылда ирекһеҙлектә үрсетеүҙең уникаль тәжрибәһе үткәрелә: биш айыу балаһы тыуа, уларҙы Гиннесстың рекордтар китабына индерәләр. Ике айыу балаһы Кошице зоопаркында бөгөнгө көндә лә йәшәй.

Кошице зоопаркы — Словакияла Фәнни ботаника һуҡмаҡ булған берҙән-бер (2011) зоопарк, уға ваҡыт үтеү менән Ҡош һуҡмағы (2012), Умартасылыҡ һуҡмағы (2013) һәм Геология һуҡмағы (2015) өҫтәлә, уларҙың маҡсаты — Үҙәк Азияла Карпат тауҙарының Алтай тауҙары менән сағыштырма анализын үткәреү. Ғилми һуҡмаҡ маршрутында Словакияла беренсе себер тау кәзәләренең ареалы һәм геология-палеонтология тематикаһы менән интерактив элементтар урынлаштырыла. Зоопарктың гуцул аттары 1996 йылда Словак Республикаһының генофондына индерелә. Гуцул аттары экспонат кеүек кенә түгел, улар шулай уҡ ипподромда ҡулланыла. Башта зоопарк евразия фаунаһына йүнәлеш ала, әлеге көндә унан киң йүнәлешле универсаль зоопарк төҙөү проекты тормошҡа ашырыла. Селекция өлкәһендәге уңыштары булып 2 киң моронло крокодил, 1 һаҙ гөбөргәйеле һәм 18 быуар йылан үрсетеү тора.