Корноухов Евгений Александрович

Корноухов Евгений Александрович (13 февраль 1972 йыл) — Рәсәй хоккейсыһы, һөжүмсе. Омск хоккейы тәрбиләнеүсеһе. Йәштәр хоккей лигаһы чемпионатында сығыш яһаған «Омские Ястребы» һәм Континенталь хоккей лигаһындағы «Авангард» хоккей клубтарының элекке баш тренеры.

Евгений Александрович Корноу́хов
Позиция	һөжүм итеүсе
Гражданлығы	Рәсәй
Тыуған көнө	13 февраль 1972({{padleft:1972|4|0}}-{{padleft:2|2|0}}-{{padleft:13|2|0}}) (52 йәш) СССР, Омск өлкәһе Омск ҡалаһы
Хоккейсы карьераһы
1992 Шахтёр 1993 — 1996 Ермак 1997 — 1998 Янтарь
Тренер карьераһы
2007 — 2009 Локомотив спорт мәктәбе 2009 — 2010 Локо 2010 — 2011 Локомотив спорт мәктәбе 2011 — 2013 Омские Ястребы 2015 — 2016 Авангард

Биографияһы

Евгений Александрович Корноу́хов 1972 йылдың 13 февралендә Омск ҡалаһында тыуған. Омск хоккейы тәрбиәләнеүсеһе. «Шахтёр» (Прокопьевск, 1992), «Ермак» (Ангарск, 1993—1996), «Янтарь» (Северск, 1997—1998) хоккей клубтары өсөн һөжүмсе позицияһында уйнай.

Тренер

2009 йылда тренер булараҡ «Локомотив»-94 менән бергә Рәсәй беренселегенең көмөш миҙалдарын яулай. «Авангард» (Омск, 1991 йылғы команда), «Локомотив» (Ярославль, 1993 һәм 1994 йылдарҙағы командалар) спорт мәктәптәрендә һәм «Локо» (Ярославль, 2009—2010) командаһында баш тренер булып эшләй. 2010—2013 йылдарҙа «Омск ҡарсығалары» йәштәр хоккей клубын етәкләй.

Уның тәрбиәләнеүселәре: 2011 йылғы йәштәр араһында донъя чемпиондары Никита Пивцакин һәм Сергей Калинин, 2008 йылдағы юниорҙар араһындағы донъя чемпионатының көмөш миҙалсыһы Эдуард Рейзвих, алдағы йылда ошо уҡ донъя беренселегендә көмөш миҙалын яулаусы Станислав Калашников.

2011—2012 һәм 2012—2013 йылдар миҙгелдәрендә «Омск Ҡарсығаларын» Йәштәр хоккей лигаһының чемпионатында еңеүгә килтерә.

2013 йылдың 17 сентябренән 20-һенә тиклем «Авангард» хоккей клубында баш тренер вазифаһын ваҡытлыса башҡара. Артабан, шул йылда, баш тренерҙың ярҙамсыһы булараҡ, Өмөт кубогын еңә. 2013/14 йылдар һөҙөмтәләре буйынса «Йәштәргә юл» тигән бүләккә өлгәшә.

2015 йылдың 7 апрелендә киләһе ике йыл «Авангард» хоккей клубының баш тренеры булып эшләүе тураһында билдәле була. Даими чемпионатта «Авангард» Көнсығыш конференцияһында 60 уйында 106 мәрәй йыйып беренсе урында яулай. Гагарин кубогының тәүге раундында «Нефтехимик» командаһын дүрт уйында үтә. Конференция ярымфиналында «Салауат Юлаев» хоккей клубына серияла 3-4 иҫәбе менән еңелә һәм артабанғы көрәштән Омск хоккейсылары төшөп ҡала. «Авангард» икенсе йыл рәттән конференция ярымфиналында еңелә.

2016/2017 йылдар миҙгеле башланыр алдынан һигеҙ көн ҡалғас, Евгенийҙы клуб етәкслеге эштән бушатырға була. Шул миҙгел алдынан уйындарҙа «Авангард» Корноухов етәкселеге аҫтында 8 уйын үткәрә, шуларҙың һуңғы өсәүҙен генә еңәләр.

Тренер карьераһы

• 2007 ― 7 ноябрь 2009: тренер «Локомотив» спорт мәктәбендә тренер
• 9 ноябрь 2009 ― 4 декабрь 2011: «Локо» йәштәр хоккей командаһының баш тренеры
• 2010 ― 2011: «Локомотив» спорт мәктәбендә тренер
• 2011 ― 2013: «Омск Ҡарсығалары» йәштәр хоккей командаһының баш тренеры
• 2015 ― 14 август 2016: «Авангард» хоккей клубының баш тренеры

Ҡаҙаныштары

• Рәсәй беренселегенең көмөш миҙалы (2009, «Локомотив» спорт мәктәбе)
• Харламов кубогын ике тапҡыр яулаусы (2012, 2013, икеһе лә — Омск Ҡарсығалары)
• Өмөт кубогы — 2014.
• «Йәштәргә юл» бүләге — 2014.

Статистика (баш тренер)

(2011 йылға тиклем мәғлүмәттәр килтерелмәгән)
Һуңғы яңыртыу: 2016 йылдың 24 март көнөндә

Команда	Турнир-миҙгел	Даими миҙгел							Плей-офф
		У	Еңеү	ӨВ/БС еңеү	ӨВ/БС еңелеү	Еңелеү	М	Һөҙөмтә	Еңеү	Еңелеү	Һөҙөмтә
Омск Ҡарсығалары	ЙХЛ 2011-12	60	36	8	5	11	129	Көнсығыш конференцияһында беренсе	13	3	Кубок еңеүселәре
	ЙХЛ 2012-13	61	43	10	2	6	151	Көнсығыш конференцияһында беренсе	13	5	Кубок еңеүселәре
Авангард	КХЛ 2015-16	60	27	6	13	14	106	Көнсығыш конференцияһында беренсе	7	4	Конференция ярымфиналында еңелә

ӨВ/БС — өҫтәмә ваҡытта йә булиттар серияһында еңеү, У — уйын, М — мәрәйҙәр һаны

Һылтанмалар

• Корноухов Евгений Александрович 2013 йыл 17 март архивланған.. Омск ҡарсығалары хоккей клубы