Классиктар аллеяһы

Классиктар Аллеяһы — Кишинев ҡалаһы «Штефан чел маре» паркындағы скульптура комплексы. Аллеяның ике яғынан ҡыҙыл полировкалы гранит постаменттарҙа Молдавия яҙыусыларының һәм ижтимағи-сәйәси, мәҙәни эшмәкәрҙәренең бронза бюстары урынлаштырылған. Классиктар Аллеяһы парктың үҙәген киҫеп үтә. Үҙәктә гранит колоннала А. С. Пушкиндың скульптор А. М. Опекушин (1885) ижад иткән бронза бюсы ҡуйылған. Аллея 1958 йылда төҙөкләндерелә һәм шул ваҡыттан алып ҡала халҡының, баш ҡала ҡунаҡтарының яратҡан урынына әүерелә. Башта Аллеяла 12 бюст була, әммә СССР тарҡалғандан һуң Аллеяны совет осоронда ижадтары хупланмаған молдаван мәҙәниәте эшмәкәрҙәренең бюстары, шулай уҡ румын шағирҙары һәм яҙыусылары скульптуралары менән тулыландырыу башлана. Классиктар Аллеяһына бөгөнгә 25 бюст ҡуйылған.

Тудор Аргези, скульпторы Дмитрий Вердяну. 1995
Георге Асаки, скульпторы Л. И. Дубиновский. 1957
Джордже Баковия, скульпторы Милица Петрашку. 2001
Лучиан Блага, скульпторы Александр Пикунов-Тырцэу. 1992
Октавиан Гога, скульпторы Корнел Медря. 2000
Александру Донич, скульпторы Иосиф Кептэнару. 1957
Михаил Когэлничану
Джордже Кошбук, скульпторы Константин Попович. 1996
Алексей Матеевич,скульпторы Дмитрий Русу-Скворцов. 1990
Алеку Руссо, скульпторы В. Ларченко. 1957
Михаил Садовяну, скульпторы авторҙар коллективы. 1990-сы
Константин Стере, скульпторы Г. Дубровин. 1991
Никита Стэнеску, скульпторы авторҙар коллективы. 1990
Александр Хиждеу, скульпторы В. Краковяк. 1957
Богдан Петричейку Хашдеу, скульпторы Иосиф Кептэнару. 1957
Мирча Элиаде, скульпторы Василий Голя. 1997
Михай Эминеску, скульпторы Л. Дубиновский. 1957

Иҫкәрмәләр

Әҙәбиәт

Памятники Молдавии. — Кишинёв, 1969. — С. 10.
Исторические и культурные памятники Республики Молдова = Monumente de istorie şi cultură din Republica Moldova. — Кишинёв, 1994. — С. 83.
Кишинёв. Энциклопедия = Chişinău, Enciclopedie. — Кишинёв, 1997. — С. 34.