Йомағолова Венера Әхмәт ҡыҙы

Йомағолова Венера Әхмәт ҡыҙы (17.9.1955, БАССР-ҙың Ғафури районы Яңы Әлдәшле ауылы) — кинорежиссёр, тележурналист, Башҡортостан Республикаһының атҡаҙанған сәнғәт эшмәкәре (2006); Башҡортостан Республикаһы Журналистар союзы ағзаһы (2002); Евразия Телевидение һәм радио академияһының ағзаһы[1].

Йомағолова Венера Әхмәт ҡыҙы
Гражданлығы Flag of the Soviet Union.svg СССР
Flag of Russia.svg Рәсәй
Тыуған көнө 17 сентябрь 1955({{padleft:1955|4|0}}-{{padleft:9|2|0}}-{{padleft:17|2|0}}) (65 йәш)
Тыуған урыны СССР, РСФСР, Башҡорт АССР-ы, Ғафури районы
Һөнәр төрө кинорежиссёр, тележурналист
Эш биреүсе Башҡортостан дәүләт телерадиокомпанияһы
Уҡыу йорто Ҡазан дәүләт мәҙәниәт һәм сәнғәт университеты[d]

БиографияһыҮҙгәртергә

Йомағолова Венера Әхмәт ҡыҙы1955 йылдың 17 сентябрендә БАССР-ҙың Ғафури районы Яңы Әлдәшле ауылы тыуған.

1982 йылда Ҡазан дәүләт мәҙәниәт институтын уңышлы тамамлай.

1995 йылда Мәскүә Телевидение һәм радио хеҙмәткәрҙәре квалификацияһын күтәреү институтында Б. С.Каплан курстарында уҡыуын дауам итә.

1982 йылда Башҡортостан ауыл хужалығы институтында эшләй башлай. 1987 йылдан «Башҡортостан» дәүләт телерадио компанияһында эшләй.

ИжадыҮҙгәртергә

Йомағолованың фильмдары Башҡортостандың үҙенсәлекле мәҙәниәтенә, уның тәбиғәтенә арналған. «Башҡортостан» дәүләт телерадио компанияһында ижтимағи-сәйәси һәм нәфис программаларҙа режиссёр ассистенты булып эшләй башлай. Артабан режиссёр, комментатор, телевидениела иртәнге программаларҙың художество етәксеһе, спорт-күңел асыу программалар етәксеһе булып эшләй. Күп кенә музыкаль программалар, композиторҙар, мәҙәниәт һәм сәнғәт эшмәкәрһәре тураһында фильмдарҙың авторы була[1].

Халыҡ-ара телевизион фестивалдәрҙә ҡатнашыуҮҙгәртергә

2000—2006 йылдарҙа "Талпын, күңел!" телевизион тапшырыуҙар авторы. Был тапшырыу өсөн Алта-ата ҡалаһында үткән “Берҙәмлектең иң яҡшы программалары” Халы Халыҡ-ара телевизион конкурсы лауреаты исемен ала.

Фильм 2007 йылда "Еҙем әбейҙәре" фильмы Халыҡ-ара Сычуань телевизион йыр-моң фестивале (Ҡытай) һәм “Prix Visionica” телевизион ижад  фестивалендә (Вроцлав ҡалаһы., Польша) лауреат исемен ала.

2004 йылда 41-се Халыҡ-ара "Злата Прага" телевизион фестивалендә Венера Йомағолованың “Ҡараңғылыҡтағы нур”документаль-музыкаль фильмы Вацлав Гавел фондының махсус призына лайыҡ була.

Шул уҡ йылда уның эштәре "Алтын ҡумта" Халыҡ‑ара телевизион фестивале дипломанты (Пловдив ҡалаһы, Болгария) һәм Мәскәүҙә Етенсе Евразия Телефорумында билдәләп үтелә[1]

ҺылтанмаларҮҙгәртергә

Йомағолова Венера Әхмәт ҡыҙы // Башҡорт энциклопедияһы — Өфө: «Башҡорт энциклопедияһы» ғилми-нәшриәт комплексы, 2015—2020. — ISBN 978-5-88185-143-9.

ИҫкәрмәләрҮҙгәртергә