Заһир Исмәғилев һәйкәле

Заһир Исмәғилевҡа һәйкәл Өфө ҡалаһының Киров районында ҡуйылған.

Һәйкәл
Заһир Исмәғилев һәйкәле
Заһир Исмәғилев һәйкәле Заһир Исмәғилев һәйкәле
Ил	Рәсәй
Ҡала	Өфө

Тарих

Композитор Заһир Исмәғилевҡа һәйкәл Өфөнөң Ленин урамында Башҡорт дәүләт опера һәм балет театры менән йәнәш урынлашҡан Театр скверында, уның хөрмәтенә аталған Заһир Исмәғилев исемендәге Өфө дәүләт сәнғәт институты ҡаршыһына ҡуйылған. Һәйкәл Заһир Ғәриф улы нигеҙ һалған һәм 20 йыл дауамында етәкләгән юғары уҡыу йортона 40 йыл тулған көндәрҙә — 2008 йылдың 18 октябрендә тантаналы асыла.

Был — Башҡортостанда Заһир Исмәғилевҡа беренсе һәйкәл. Һәйкәлдең авторы — Салауат Юлаев исемендәге республика Дәүләт премияһы лауреаты, Башҡортостандың атҡаҙанған рәссамы Хәниф Мирзаһит улы Хәбибрахманов. Автор әйтеүенсә, уға тере саҡта композитор менән осрашырға тура килмәгән, шуға күрә һәйкәлде эшләгәндә ул фото- һәм видеоматериал ҡулланған. Һәйкәлдең архитекторы Салауат Юлаев исемендәге премия лауреаты Сергей Анатольевич Голдобин

Заһир Исмәғилев ижади илһам мәлендә ҡулына ҡамыш ҡурай тотоп ултырғыста ултыра итеп һүрәтләнгән. Һәйкәл бронзанан эшләнгән, кәртә менән уралтылған. Постаментта урыҫ һәм башҡорт телдәрендә

Бөйөк башҡорт композиторы Заһир Исмәғилев

тип яҙылған.

Һылтанмалар

• Эльмира Сабирова. Өфөлә данлыҡлы композитор Заһиру Исмәғилевҡа һәйкәл астылар  (урыҫ). БашИнформ (18 октябрь 2008). Дата обращения: 10 апрель 2012. Архивировано 16 май 2012 года.
• Равиль Рамазанов. В Уфе откроют памятник композитору Загиру Исмагилову  (урыҫ). БашИнформ (17 октябрь 2008). Дата обращения: 10 апрель 2012. Архивировано 16 май 2012 года.
• Римма Буранбаева. Встреча с Исмагиловым  (урыҫ). Башвест (17 октябрь 2008). Дата обращения: 10 апрель 2012. Архивировано 16 май 2012 года.