Журавлёва Светлана Евгеньевна
Журавлёва Светлана Евгеньевна (7 апрель 1960 йыл) — спортсы. 1984—1991 йылдарҙа СССР-ҙың парашют спорты буйынса йыйылма командаһы ағзаһы. Биология фәндәре кандидаты (1999). Парашют спорты буйынса СССР-ҙың халыҡ-ара класлы спорт мастеры (1989). Башҡортостан Республикаһының күренекле спортсыһы (1997)[1].
| Журавлёва Светлана Евгеньевна | |
| Зат | ҡатын-ҡыҙ |
|---|---|
| Гражданлыҡ |
 СССР Рәсәй |
| Тыуған көнө | 7 апрель 1960 (64 йәш) |
| Тыуған урыны | Түбәнге Новгород, РСФСР, СССР |
| Эш урыны | Мәскәү физика-техник институты[d] |
| Уҡыу йорто | Башҡорт дәүләт университеты |
| Ғилми дәрәжә | биология фәндәре кандидаты[d] |
Биографияһы үҙгәртергә
Светлана Евгеньевна Журавлёва 1960 йылдың 7 апрелендә Горький ҡалаһында тыуған. Күренекле химик-ғалим Е. Ф. Журавлёвтың ҡыҙы[1]. 1984 йылда Башҡорт дәүләт университетын тамамлаған. Һөнәре буйынса биолог. Светлана Журавлева бала саҡтан спорт менән мауыға. Рәсәй ДОСААФ-ының авиация спорт клубы, авиация-техник спорт клубы тәрбиәләнеүсеһе (тренеры А. К. Котенков). Парашют спорт төрө буйынса яҡшы һөҙөмтәләргә ирешә. СССР йыйылма командаһы ағзаһы (1984—1991). 1999 йылда «Синтаксономическое обоснование выбора охраняемых растительных сообществ: На примере некоторых сообществ Республики Башкортостан» темаһы буйынса кандидатлыҡ диссертацияһын яҡлай[2]. Мәскәү физика техник институтының молекуляр һәм биологик физика факультетында эшләй, биохимия физикаһы кафедраһы доценты [3].
Парашют спортында ҡаҙаныштары[1] үҙгәртергә
- Айырым күнекмәләр буйынса РСФСР-ҙың абсолют чемпионы (1991);
- Ете тапҡыр СССР чемпионы (1985, 1986, 1987, 1988, 1989, 1990, 1991);
- Ике тапҡыр СССР халыҡтары спартакиадаһы чемпионы (1991);
- РСФСР (1988—1991) чемпионы;
- СССР чемпионаты призеры (1987);
- РСФСР халыҡтары спартакиадаһының (1990) көмөш призёры;
- «Крылья Родины» журналы призына халыҡ-ара ярыштарҙың аболют еңеүсеһе (1988;
- Болгарияла халыҡ-ара ярыштарҙа еңеүсе (София, 1988);
- 1000 м бейеклектән билдәләнгән урынға аныҡ төшөү буйынса төркөмләп һикереүҙә донъя рекордсыһы (1988).
Маҡтаулы исемдәре һәм башҡа бүләктәре үҙгәртергә
- Парашют спорты буйынса СССР-ҙың халыҡ-ара класлы спорт мастеры (1989)
- Башҡортостан Республикаһының күренекле спортсыһы (1997).
Иҫкәрмәләр үҙгәртергә
- ↑ 1,0 1,1 1,2 Журавлёва Светлана Евгеньевна // Башҡорт энциклопедияһы. — Өфө: БР ДАҒУ «Башҡорт энциклопедияһы», 2015—2024. — ISBN 978-5-88185-143-9.
- ↑ Диссертация
- ↑ МФТИ 2019 йыл 15 декабрь архивланған.
Һылтанмалар үҙгәртергә
- Журавлёва Светлана Евгеньевна // Башҡорт энциклопедияһы. — Өфө: БР ДАҒУ «Башҡорт энциклопедияһы», 2015—2024. — ISBN 978-5-88185-143-9.