Ете ҡыҙ (фонтан)

«Ете ҡыҙ» фонтаны — башҡорт халыҡ легендаһына нигеҙләнеп эшләнгән фонтан. Диаметры — 18 метр^[1]. Авторы — Башҡортостан Республикаһының атҡаҙанған рәссамы, Башҡортостан Республикаһының Салауат Юлаев исемендәге дәүләт премияһы лауреаты скульптор Хәбибрахманов Хәниф Мирзаһит улы ^[2].

Тарихы

Бер-береһенә оҡшаған ете ҡыҙҙы ҡаҙаҡ далаларына урлап алып киткәс, улар табандарын ярып ҡыл һалыныуға ҡарамаҫтан, ҡасып, тыуған яҡтарына юллана. Арттарынан ҡыуа төшкәс, ҡыҙҙар тотҡонлоҡтан үлемде өҫтән күреп, күлгә ташлана. Уларҙың фажиғәле вафатынан һуң күктә ете йондоҙ — Етегән ҡабына. Башҡорт халыҡ йыры "Ете ҡыҙ" нигеҙендә лә ошо легенда ята.

Асылыуы

2015 йылдың 30 июнендә Башҡорт дәүләт опера һәм балет театры менән «Ҡунаҡһарай» комплексы араһындағы «Театр» скверында фонтан асыла^[3]. Сарала Йәштәр симфоник оркестры һәм Фәйзи Ғәскәров исемендәге академик халыҡ бейеүҙәре ансамбле ҡатнаша һәм тамашасылар алдында «Ете ҡыҙ» бейеүе^[4] менән сығыш яһай.

Ҡыҙыҡлы факттар

Көнөнә дүрт сәғәт фонтан «йырлай»^[5]. Сәғәт көндөҙгө 2-се 15 минутта, киске етелә, 9-ҙа һәм 11-ҙә музыка яңғырай, ә ҙур экрандан Фәйзи Ғәскәров исемендәге академик халыҡ бейеүҙәре ансамбле репертуарындағы «Ете ҡыҙ» бейеүе трансляциялана.
Һәр фигураның бейеклеге 2,20 метр, ауырлығы 600—700 килограмм.
Бер фигураның хаҡы 2 миллиондан алып 7 миллион һумға тиклем етә.
Ете фигура 6 ай эсендә эшләнелә.
Скульптор һындарҙы эшләгәндә «Мираҫ» ансамбленең өс ҡыҙы ярҙам итә^[6].

Иҫкәрмәләр

Һылтанмалар

[1] В Уфе состоялось открытие фонтана «Семь девушек»

[2] Уфа-2015: обновления

[3] Праздник открытия фонтана Семь девушек в Кировском районе

[4] Башкирский танец "Семь девушек"

[5] Ете кыз — Башкортостан 'Башклип'

[6] 7 фактов о фонтане «Семь девушек» 2019 йыл 13 март архивланған.

[1]

[2]

[3]

[4]

[5]

[6]