Дүртенсе Башҡорт уҡсылар полкы

Дүртенсе Башҡорт уҡсылар полкы (рус. Четвёртый Башкирский стрелковый полк) — 1918 йылдың июль аҙағында Башҡорт хәрби советы приказы буйынса Ырымбур өйәҙе башҡорттарынан 4-се Башҡорт пехота полкы булараҡ ойошторола.

Дүртенсе Башҡорт уҡсылар полкы
Нигеҙләү датаһы	1918
Дәүләт	Рәсәй
Штаб-фатирҙың урынлашыуы	Башҡортостан Республикаhы, Рәсәй

Тарихы

1918 йылдың 25 октябренән Дүртенсе Башҡорт уҡсылар полкы, 20 ноябрҙән Верховный главнокомандующий штабының приказы буйынса 39-сы Башҡорт уҡсылар полкы, 1919 йылдың 9 ғинуарынан Башҡорт ғәскәрҙәре штабы приказына ярашлы Дүртенсе Башҡорт уҡсылар полкы тип атала. 1918 йылдың авгусынан Икенсе Башҡорт уҡсылар дивизияһы, 1919 йылдың ноябренән Беренсе Башҡорт уҡсылар дивизияһы составына инә.

Граждандар һуғышы осоронда Орск, Аҡтүбә һәм Стәрлетамаҡ фронттарында барған һуғыштарҙа ҡатнаша. Башҡорт хөкүмәте һәм ғәскәре Совет республикаһы яғына сыҡҡандан һуң полк таратыла. Аҡтар командованиеһы күрһәткән батырлыҡтары өсөн 4 унтер-офицерға, 12 ефрейторға һәм 69 рядовойға наградалар тапшыра. Орск ҡалаһы халҡы рәхмәт йөҙөнән Дүртенсе Башҡорт уҡсылар полкын 1918 йылдың октябрендә байраҡ менән бүләкләй. Рядовой З. Псәншин 4-се дәрәжә Георгий тәреһе менән бүләкләнә. Бүләкләү таныҡлығына ҡул ҡуйғандар: полк командиры полполковник К. Йәнекәйев (1918 йылдың июленән), штабс-капитан Байрпашевский (1919 йылдың февраленән).

Сығанаҡтар

Национально‑государственное устройство Башкортостана (1917—1925 гг.): док. и материалы. В 4 т. Т.2. Ч.1. Уфа, 2002;

А. А. Ва­лидов — организатор автономии Башкортостана. У истоков федерализма в России (1917—1920): сб. док. и материалов. В 2 ч. Ч.1. Уфа, 2005.

Әҙәбиәт

Таймасов Р. С. Участие башкир в Гражданской войне. Кн.1. В лагере контрреволюции (1918 — февраль 1919 гг.). Уфа, 2009.