Горелик йорто

Горелик йорто (Октябрь урамы, 82) — Донецк ҡалаһының архитектура һәм ҡала төҙөлөшө ҡомартҡыһы. 1901—1905 йылдар араһында сауҙагәр Горелик өсөн төҙөлгән. Бинаның фасады модерн стилендә төҙөлгән. Бина мөйөшө осло көмбәҙле ҡырлап яһалған башнялы. Башняла элек ғибәҙәт ҡылыу урыны урынлашҡан. Бина башҡа биналар араһында үҙенең сәйер һыҙатлы балкондары, тәҙрә ҡыҫандары, фасадының йыйнаҡ декоры һәм крамик плитканан торған көпләнеүе менән айырылып тора.

Горелик йорто
Нигеҙләү датаһы	1905
Дәүләт	Украина
Административ-территориаль берәмек	Донецк
Урын	Донецк
Мираҫ статусы	памятник архитектуры местного значения[d]
Адрес	вул. Жовтнева, 82, Донецьк, Україна һәм г. Донецк, ул. Октябрьская, 82
Тасуирлау биттәре	donjetsk.com/homes/9739-… donetsk.kp.ru/daily/2723…
Горелик йорто Викимилектә

1917 йылда Октябрь революцияһына тиклем большевиктарҙың йәшерен типографияһы урынлашҡан.

Совет власының тәүге йылдарында Горелик йортонда ҙур бейеү залы менән шул заманда популяр булған Тудоровскийҙар клубы урынлаша. Һуңынан бинала радиоцентр урынлаша. 1946 йылдан бинала урындағы сәнәғәттең өлкә идаралығы урынлаша.

Фараз ителеүенсә, Горелик йортоноң балконында биш меңлек аудитория өсөн үҙенең шиғырҙарын Владимир Маяковский уҡыған.

1977 йылда архитектор А. Мищенко айырым йорттоң көнбайыш өлөшөнә төкәтмә төҙөй. Төкәтмә бинаның дөйөм стилен боҙмай.

2014 йылға тиклем Горелик йортонда «Спецшахтобурение» берекмәһе һәм төбәк «Приватбанок» идаралығы урынлаша.

Әҙәбиәт

• Памятники архитектуры // Всё о Донецке.: Справочное пособие. — Донецк: Донбасс, 2003. — С. 162-163. — ISBN 5-7740-0782-0.

Һылтанмалар

• Дом Горелика на wikimapia (неопр.). Архивировано 25 августа 2011 года.
• Старый дом мой давно ссутулился… (неопр.). Архивировано 27 сентября 2007 года.
• Горелик (неопр.). Архивировано 29 ноября 2012 года.
• Горелик: Купец и помощник РСДРП (неопр.). Архивировано 29 ноября 2012 года.